fbpx

RMV, futbollisti 16 vjeçar Besar Guxhufi u bë pjesë e Beshiktashit të Turqisë (Video)

Futbollisti i ri Besar Guxhufi nga Shkupi ka nënshkruar kontratë me ekipin e Beshiktashit në Turqi. Në intervistën e tij për Portalb ai tha se kjo kontratë do të zgjasë për pesë vite dhe se ndjehet krenar që do të jetë pjesë e një ekipi si Beshiktash dhe që momentalisht është kampion i Turqisë. Ndërsa, më tej ai sqaroi se si arriti deri te nënshkrimi i kontratës me këtë ekip në një moshë kaq të re.

Besar Guxhufi, futbollist

Prej kur ke filluar të merresh me futboll?

Unë jam i lindur me 29 maj 2004, jam 16 vjeçar ndërsa kam filluar të merrem me futboll prej 6 vjeç.

Si erdhe deri te nënshkrimi i kontratës me klubin futbollistik të Turqisë “Beshiktash”?

Gjatë ndeshjeve me reprezentacionin, na kanë vëzhguar aty, kemi pasur lojë me Rusinë U-18, dhe aty ja nisi biseda për kontratë.


A ke menduar që do arrije të luaje jashtë RMV-së në një moshë kaq të re?

Gjatë ndeshjeve në Maqedoni që kam luajtur kam dhënë maksimumin dhe nuk e kam pritur të jem pjesë e një ekipi të madh si Beshiktash. Si dhe jam krenar që jam pjesë e Beshiktashit, pikërisht që është tani shampion  në Turqi.

 

Besar Guxhufi, futbollist

Kush ka qenë përkrahja më e madhe për ty gjatë këtij rrugëtimi?

E falënderoj për mbështetjen familjen, shoqërinë dhe trajnerët që kam pasur deri më tani nga mosha 6 vjeçare.

 

 

Besar Guxhufi, futbollist

Tash që do merresh me sport dhe nga jashtë, si e sheh Maqedoninë e Veriut në këtë pikë, a vlerësohen sportistët sa duhet?

Gjendja në futbollin e Maqedonisë së Veriut nuk është e lakmueshme por, duhet të vlerësojmë çdo talent dhe të investojmë sa më tepër.

Çfarë synon për të ardhmen?

Do të jem pesë vite pjesë e Beshiktashit dhe në çdo lojë do të jap maksimum, shpresoj që do të kem rezultate sa më të mira.

Intervista të tjera të realizuara nga Portalb.

 

Lajme të ngjashme

Leave a Reply

Your email address will not be published. Required fields are marked *

Back to top button