Për dy muaj do të jetë falas edhe në gjuhën shqipe programi për të verbër, paralajmëroi ministrja Shahpaska

Ministria për punë dhe politikë sociale paralajmëroi aplikacionin që do të mundësojë për personat e verbër leximin e një teksti të shkruar përmes formës audio, transmeton Portalb.mk.

“Lexuesi audio, tërësisht do të ndryshojë mënyrën dhe cilësinë e jetës së personave të verbër dhe personave me shikim të dëmtuar, pasi do të ketë zbatim në të gjitha sferat e jetës”, deklaroi ministrja Jagoda Shahpaska.

Ministria raportoi që procesi i përpunimi tashmë ka filluar në bashkëpunim me Programit për zhvillim nga Kombet e Bashkuara dhe Lidhjen nacionale të të verbërve, ashtu që ai do të jetë falas dhe lehtë i përdorshëm për të gjitha moshat përmes mobilit. Ky aplikacion do të jetë i përdorshëm edhe për nxënësit me nevoja të veçanta në procesin e të mësuarit.

“Ky aplikacion digjital do të rritë mundësit që çdo person i verbër lehtësisht të lëvizë, të kryejë punët e shtëpisë, të mësojë, të socializohet, të punësohet”, deklaroi kryetari i Lidhjes së personave të verbër, Zharko Selkovski.

Në prezantimin e kësaj nisme, mori pjesë edhe përfaqësuesja e programit për zhvillim në KB, Narine Sahakjan, e cila theksoi nevojën e këtyre personave, sidomos në periudhën e pandemisë.

“Pritet që përpunimi i e-produktit të finalizohet për dy muaj, ashtu që do të happen mundësit edhe për shfrytëzim rajonal nga ana e personave të verbër që komunikojnë në gjuhën maqedonase dhe shqipe”, raportojnë nga Ministria.

Ndryshe, Fisnik Selimi, një djalë 19 vjeçar nga Shkupi, i cili në fëmijërinë e tij të hershme si pasojë e një sëmundje ka humbur shikimin. Ai është përballur me sëmundjen ende pa e parë mirë botën e pa u njohur me gjërat që e rrethojnë. Por, kjo nuk e ka penguar atë që të përshtatet me rrethin e të zhvillohet sikurse edhe moshatarët e tij të cilët nuk përballen me këtë pengesë, të ndjekë ëndrrat me shumë guxim dhe të ecë drejt horizonteve të cilët nuk njohin kufi. Ai për Portalb ka dëshmuar përdorimin e aplikacioneve të ndryshme që mundësojnë përdorimin e teknologjisë, ndërsa fal këtyre aftësive, ai edhe u punësua.

Në kuadër të digjitalizimit të librave shkollor, në Maqedoninë e Veriut planifikohet nga Ministria e Arsimit dhe Shkencës planifikohet përgatitja e librave edhe për personat me probleme të tilla.