Në Maqedoninë e Veriut ka keqpërdorime të licencave e fabrikave që merren me kultivimin e marihuanës, alarmoi zv.ministri Bushi
Legalizimi i një pjese të kanabisit për nevoja shëndetësore në Maqedoninë e Veriut, sipas zv.ministrit për punë të brendshme po keqpërdoret nga fabrika të ndryshme, transmeton Portalb.mk.
“Ka keqpërdorime të licencave për kultivimin e kanabisit, fabrikave që merren me kultivimin e marijuanës. Kontrollin e tyre duhet ta bëjnë Ministria e Bujqësisë dhe Shëndetësisë. Ministria e Brendshme këtu nuk ka qasje. Kohëve të fundit bëhet fjalë për tre ose katër kompani që kanë keqpërdorur licencën”, thotë zv.ministri Nazim Bushi për EN, duke theksuar që një gjë e tillë është vërtetuar Ministria e Bujqësisë, Shëndetësisë dhe nga Ministria e Punëve të Brendshme.
Ndryshe, punonjës policor nga sektorë të ndryshëm së fundmi janë përfshirë në skandale të ndryshme, si falsifikimi i pasaportave, trafikimi i narkotikëve dhe problemet me patentat e shoferit.
“Kapacitetet e Ministrisë së Brendshme janë të fuqishme dhe të afta për këtë punë, por autoritetet e jashtme si DEA janë përfshirë në këto raste pasi që kemi pasur indikacione se edhe grupe rajonale kanë qenë të kyçura në këtë kontrabandë me drogë”, thotë Bushi.
Ndryshe, qëndrimet e kryeministrit Zoran Zaev për legalizimin e përdorimit të marihuanës, tashmë kanë ngjallur debat në Maqedoninë e Veriut, fillimisht duke u kundërshtuar nga partitë opozitare, derisa partnerët e pushtetit akoma nuk shprehin asnjë lloj qëndrimi në lidhje me qëndrimin e kryeministrit, që mund të bëhet edhe ligj.
- LEXO: Maqedonia e Veriut synon dekriminalizimin dhe legalizimin e marihuanës, partitë me qëndrime të ndryshme
- LEXO: Zaev: Mbështes legalizimin e marihuanës në Maqedoninë e Veriut
- LEXO: TopChannel: Kushëriri i Zaevit një nga më të mëdhenjtë në industrinë e kanabisit
- LEXO: Përdorimi i kanabisit për rekreacion, mund të shkaktojë halucinacione dhe ndjenja të paranojave
- LEXO: Për ta pirë i ndaluar, për t’u shëruar i lejuar – tentime për dekriminalizim të kanabisit në RMV (infografik)
- LEXO: Prodhuesit e kanabisit mjekësor: Ligji të miratohet përpara zgjedhjeve
- LEXO: Zaev: Diskutimi për legalizimin e marihuanës është i hapur
- LEXO: “Makkanabis” apelon që urgjentisht të miratohen ndryshimet e Ligjit për kontrollim të drogave narkotike