RMV, sot ka pasur arrestime nga vendet e punës të personave që kanë falsifikuar dhe kanë shitur pasaporta
Në fund të vitit 2017, ish-shefi i Drejtorisë së Pestë në MPB, Goran Grujevski, u arratis me pasaportën e Vlladimir Varellov, operatorit kryesor në përgjimin e paligjshëm, i cili kaloi me dënim me kusht në rastin “Fortesa-Target”; Krimineli malazias Stefan Gjukiq u arrestua në Ukrainë me pasaportë të Maqedonisë, shkruan SDK, transmeton Portalb.mk.
Me të shpejtë, sepse lideri i VMRO-DPMNE Hristijan Mickoski dhe zëdhënës të partisë do të pengonin aksionin policor për zbulim, sot filloi arrestimi i punonjësve në departamentin pasaportave në Radio dhe Televizionin e Maqedonisë të një grupi që kishte bërë pasaporta me foto autentike të “aplikantit”, por me një identitet tjetër, sipas zgjedhjes, thonë nga MPB.
Këtë mëngjes, një duzinë oficerë policie, u arrestuan shprehimisht nga karriget e tyre në vendet e punës në RTVM në sektorin për çështje administrative, pasaporta dhe dokumente personale. Ministri i brendshëm Oliver Spasovski tha se konferencat për shtyp të VMRO-DPMNE në këtë temë që u mbajtën dje dhe sot ishin përpjekje për të sabotuar aksionin, por për fat të mirë, pa sukses.
Aksioni vazhdon ende. Oficerë e arrestuar të policisë kanë qenë pjesë e një zinxhiri për falsifikim të pasaportave dhe dokumenteve personale. Hetimi dhe monitorimi i grupit se çka bën dhe kujt i lëshon dokumente personale të identitetit, kanë zgjatur për më shumë se një vit.
Asistencë teknike për MPB-në në këtë hetim kanë dhënë Zyra për hetime e ambasadës amerikane dhe Interpol.
Herën e fundit që publiku dëgjoi për një rast të tillë ishte kur në Ukrainë u arrestua malazezi Stefan Gjukiq, anëtar i klanit të Tivaerit, me pasaportë maqedonase me emrin Gjergji Kace, mbase maqedonas nga Liqenasi, Shqipëri. Ai nuk kishte pas ide se identiteti i tij ishte vjedhur dhe vendosur nën fotografinë e mafiozit malazez në pasaportën “maqedonase”.
Më parë, Jovan Vukotiq, udhëheqësi i klanit Skaljarski, u dënua në Serbi me 15 muaj burg për falsifikim të një dokumenti. Ai kishte përdorur pasaportë të Maqedonisë me foto të tij, por nën emrin Gjorgji Andonov.
Në tetor 2017, ish-shefi i akuzuar i Drejtorisë së pestë në MPB u arratis me pasaportën e Vlladimir Varellov, operatorit kryesor në përgjimin e paligjshëm, i cili kaloi një dënim me kusht në çështjen “Fortesa-Target”.
Një nga të falurit nga bashkëpunëtorët e akuzuar më të afërt të regjimit të VMRO-DPMNE, nga Gjorge Ivanov, është pikërisht Goran Grujevski me identitetin e vjedhur nga një pasaportë në MPB.
