fbpx

LG do të ndalojë biznesin me telefona të mençur

Kompania jug-koreane LG Electronics njoftoi të hënën se do të mbyllë biznesin e saj me telefona të mençur.

Ky sektor ka pësuar humbje për gati gjashtë vjet, të cilat kapin vlerën e rreth 4.5 miliardë dollarëve, transmeton REL.

LG ka bërë shumë inovacione, duke përfshirë kamerat me kënd shumë të gjerë.

Në vitin 2013 është bërë prodhuesi i tretë më i madh i smartphone-ve, por udhëheqësit e kompanisë thanë se tregu i telefonave mobilë është bërë “tepër konkurrues”.

Firma jug-koreane Samsung dhe ajo amerikane Apple janë dy lojtaret më të mëdha në tregun e smartphone-ve.

Për krahasim, vitin e kaluar, Samsung ka shitur 256 milionë telefona, ndërsa LG 28 milionë.

Por, LG vazhdon të ketë biznes të fortë me pajisjet shtëpiake dhe televizorët.

LG është marka e dytë televizive më e shitur në botë, pas Samsung-ut.

Lajme të ngjashme

Leave a Reply

Your email address will not be published. Required fields are marked *

Shiko edhe
Close
Back to top button