fbpx

Tetovë, me ndërmarrjen për transport publik do të udhëheqë Darko Spirovski ndërsa Beadini kalon në zëvendës drejtor

Ka pak muaj nga kur ka filluar të funksionoje Ndërmarrja Publike “Tetova Transport”, megjithatë, deri tani janë ndërruar dy drejtorë. Një javë më herët, nga pozita e drejtorit, Fejsal Beadini, është transferuar në zëvendës drejtor kurse postin e tij e ka marrë Darko Spirovski, shkruan Portalb.mk.

Rikujtojmë se Fejsal Beadini në postin e drejtorit të Ndërmarrjes Publike “Tetova Transport” në tetor të vitit 2019, megjithatë, për shkak të mungesës së autobusëve kjo ndërmarrje nuk ka qenë funksionale.

Darko Spirovski, drejtor i NP "Tetova Transport".
Darko Spirovski, drejtor i NP “Tetova Transport”.

Ndërkaq, vetëm një muaj nga kur pritet funksionalizimi i transportit publik, Beadini është transferuar në postin e zëvendës drejtorit kurse si drejtor në këtë ndërmarrje është emëruar Darko Spirovski, i punësuar në Universitetin e Evropës Juglindore (UEJL).

Gaztari i Portalb.mk kontaktoi sot me drejtorin e sapoemëruar, Darko Spirovski, i njëjti tha se pret që edhe zyrtarisht të pranoje detyrën e re, më pas do të prononcohet.

Ndërkaq, dy punët e para që e presin drejtorin Spirovski është sistematizimi i Ndërmarrjes Publike “Tetova Transport” me punëtorë të ri si dhe sigurimi i shoferëve dhe administratës.

Spirovski me gjasë përballet edhe me problemin e funksionimin normal të transportit urban

Komuna e Tetovës nuk ka gjetur zgjidhje për rrëmujën në komunikacion e cila me vite pengon qarkullimin e lirë të automjeteve. Problemi do të rëndohet kur në këtë qarkullim do të shtohen edhe autobusët si pjesë e transportit urban, për të cilët nuk është siguruar korsi e veçantë ose të paktën nuk është planifikuar një organizim më efikas i trafikut. Në rrugët e stërmbushura me vetura si do të sigurohet që autobusët do të jenë në kohë dhe do të plotësojnë me efikasitet qëllimin për të cilin janë blerë? Vendimi për blerjen e autobusëve do të jetë i pavlerë nëse autobusët bllokohen në trafik, njëjte sikur automjetet tjera, dhe qytetarët vonohen ende më shumë për të kryer obligimet e tyre.

Blerim Neimi, ekspert i komunikacionit.
Blerim Neimi, ekspert i komunikacionit.

“Kushtet nuk janë aq të favorshme sa i përket infrastrukturës së transportit urban, paraprakisht do të jetë shumë e rëndësishme se në çfarë aksesh do të lëvizin autobusët, gjë që do ta caktojnë personat kompetent. Duhet të shihet në akset rrugore sa do të ketë vende për parkimin e automjeteve dhe sa do të mund ti krijojnë hapësirë transportit urban të lëvizë pa pengesa” tha Blerim Neimi, ekspert i komunikacionit.

Ai potencoi rëndësinë e një korsie të veçantë e cila do të mundësonte që këta autobusë të arrijnë në destinacionin e tyre në kohë dhe pa probleme shtesë, aktualisht, një gjë të tillë nuk e ka qyteti i Tetovës.

“Transporti urban do të ishte një zgjidhje e mirë për qytetin e Tetovës, konkretisht, në qoftë se bëhet edhe një korsi e veçantë për autobusët do të ishte edhe përshpejtimi i kohës së vozitjes apo orarit” tha Neimi.

Ndryshe, pritet që gjatë muajit mars të funksionalizohet për së pari herë transporti publik në Tetovë.

Lajme të ngjashme

Leave a Reply

Your email address will not be published. Required fields are marked *

Back to top button