Senati amerikan nis gjykimin e ish-presidentit Trump
Senati i Shteteve të Bashkuara nisi sot gjykimin e ish-presidentit Donald Trump, nën akuzat për nxitje të kryengritjes, më 6 janar, transmeton REL.
Atë ditë, mbështetësit e Trumpit kanë sulmuar dhunshëm ndërtesën e Kongresit amerikan, derisa ligjvënësit kanë qenë duke certifikuar fitoren e Joe Bidenit në zgjedhjet presidenciale të 3 nëntorit.
Pesë persona, përfshirë një zyrtar të policisë, janë vrarë në trazira.
Gjyqi u hap me një votim procedural mbi një marrëveshje dypalëshe, që përcakton rregullat e gjyqit, e cila u miratua.
Senati më pas vazhdoi me debatin nëse ndjekja penale e ish-presidentit është kushtetuese.
Shumica e republikanëve të Senatit thanë se besojnë se nuk është kushtetuese – gjë që sugjeron se ish-presidenti republikan do të dalë i pafajshëm.
Sipas demokratëve, një fjalim i Trumpit më 6 janar, si dhe pretendimet e pabazuara të tij për mashtrime në zgjedhje, e kanë provokuar turmën për të sulmuar Kongresin.
Avokatët e Trumpit, në anën tjetër, pritet të argumentojnë se retorika e tij, që hedh dyshime mbi rezultatin e zgjedhjeve, është liri e shprehjes, e mbrojtur me Kushtetutë.
Gjykimi pritet të zgjasë së paku një javë.
Duke filluar nga e mërkura, prokurorët dhe mbrojtja kanë deri në 16 orë kohë për të ofruar argumentet e tyre – por jo më shumë se tetë orë në ditë.
Më vonë, senatorët do të kenë kohë për të bërë pyetje dhe mund të ketë votime shtesë procedurale.
Sipas një sondazhi të kryer nga ABC News dhe Qendra e Kërkimeve Ipsos, shumica e amerikanëve – 56 për qind – duan që Senati amerikan ta dënojë Trumpin dhe, në këtë mënyrë, ta ndalojë atë të udhëheqë ndonjë zyrë publike në të ardhmen.
Megjithatë, 50 demokratët e Senatit do të kenë nevojë për votat e së paku 17 republikanëve për ta dënuar ish-presidentin.
Dhoma e Përfaqësuesve, e kontrolluar nga demokratët, ka votuar për shkarkimin e Trumpit pak ditë para se ai të përfundonte mandatin presidencial, më 20 janar.
Në vitin 2019, Trump është përballur edhe me një proces tjetër të gjykimit, nën akuzat se i ka bërë presion Ukrainës për të zbuluar informacione të dëmshme për Joe Bidenin, i cili pritej të ishte rival i tij në zgjedhjet e vitit 2020.
Senati nuk e ka fajësuar Trumpin në atë proces.
- LEXO: Senati do të nis këtë javë gjyqin kundër Trumpit
- LEXO: Avokatët e Trumpit shtrembëruan interpretimet e një eksperti ligjor, që argumentoi se gjykimi ndaj tij është kushtetues
- LEXO: Forcat e sigurisë përgatiten për gjyqin ndaj ish presidentit Trump në Senat
- LEXO: Gjyqi i ish-Presidentit Trump, argumentet pro dhe kundër
- LEXO: Trumpi ka formuar ekip të ri ligjor për gjyqin kundër tij
- LEXO: Ekipi ligjor i ish-presidentit Trump në kaos, disa ditë para gjyqit në Senat
- LEXO: Shumica e republikanëve votuan kundër gjyqit për Trumpin
- LEXO: SHBA, gjykimi në Senat ndaj ish-Presidentit Trump më 9 shkurt
- LEXO: Senati mori edhe zyrtarisht akuzën ndaj ish-presidentit Trump
- LEXO: Senati do të pranojë zyrtarisht padinë kundër Trumpit
- LEXO: Akuzat ndaj Trumpit do t’i dorëzohen Senatit më 25 janar
- LEXO: Republikanët kërkuan shtyrjen e gjyqit ndaj ish-presidentit Trump