Varianti i ri i Kovid-19 nga Afrika e Jugut është zbuluar në Gjermani

Një variant i koronavirusit që u identifikua në Afrikën e Jugut është zbuluar në Gjermani për herë të parë, tha të martën Ministria e Çështjeve Sociale.

Infeksioni u zbulua në Baden-Württemberg  te një person i cili kishte udhëtuar kohët e fundit në Gjermani me familjen pas një qëndrimi të gjatë në Afrikën e Jugut, transmeton DW, përcjell Portalb.mk.

Të gjithë anëtarët e familjes thuhet se kishin rezultuar negativ në testin për koronavirus pesë ditë pas mbërritjes. Sidoqoftë, një javë më vonë, disa anëtarë të familjes filluan të shfaqnin simptoma të lehta.

Gjashtë njerëz nga tre familje tani janë konfirmuar të jenë infektuar, dhe njëri prej tyre ka variantin e virusit korona të Afrikës së Jugut.

Mostrat nga anëtarët e tjerë të familjes tani po testohen për të përcaktuar nëse varianti i Afrikës së Jugut është i pranishëm edhe te ata, thonë nga ministria.