Infektologu Markovski dhe 7 persona të tjerë të akuzuar për hulumtim të paligjshëm arkeologjik dhe trafikim të artefakteve

Pas hetimit disamujor, Prokuroria për Krim të Organizuar dhe Korrupsion sot deri te Gjykata Penale ka dorëzuar akuzë kundër 8 personave për hulumtime të paligjshme arkeologjike për përfitim personal, a në mesin e të akuzuarve është edhe infektologu dr. Velo Markovski. Në ndërkohë, Markovski u bë anëtar i udhëheqësisë së VMRO-DPMNE-së, njofton Portalb.mk.

“Personat janë të akuzuar se gjatë viteve 2017-të dhe 2018-të individualisht dhe bashkë, pa leje nga organet kompetente, kanë kryer hulumtime të paligjshme arkeologjike dhe kanë gjurmuar në lokalitete arkeologjike dhe lokalitete me gjëra të rralla në territorin e Maqedonisë së Veriut, të mirat e gjetura në mënyrë të paautorizuar i kanë përvetësuar dhe i kanë fshehur, a më pas të mirat në mënyrë të paautorizuar ua kanë shitur blerësve në vend dhe jashtë vendit”, thonë nga Prokuroria.

Në periudhën e caktuar, të akuzuar R.P., A.B. dhe Zh.R., me qëllim të përfitimit të paligjshëm, kanë krijuar grup për kryerjen e veprave penale lidhur me hulumtime të paligjshme arkeologjike dhe gjurmime, në të cilin përfaqësuesit e të cilit janë bërë të akuzuarit, Velo Markovski dhe 4 persona tjerë.

“Ata mes vete kanë këmbyer njohuri për pozicionet e këtyre lokaliteteve dhe pas gjetjes së tyre, me pajisje të paautorizuar – detektorë dhe sonda, kanë kryer gjurmime të paligjshme. Me përdorimin e pajisjeve të palejuara, i kanë gjurmuar lokalitetet arkeologjike dhe lokalitetet që përmbajnë gjëra të rralla natyrore, a janë gjetur të mira nën mbrojtjen e përkohshme, trashëgimi kulturore gjëra natyrore të rralla me vlerë të pacaktuar, në pronësi të Maqedonisë së Veriut, në mënyrë të paautorizuar i kanë përvetësuar. Pastaj, artefaktet i kanë fshehur në lokacione të panjohura të sigurta dhe në shtëpitë e mjekut të akuzuar Markovski dhe të I.D. dhe A.B., derisa të gjenden blerës të paautorizuar”.

Pasi janë gjetur të blerësit nga vendi dhe jashtë vendit, të akuzuarit i kanë trafikuar këto artefakte të rëndësishme, të cilat janë në pronësi të shtetit. Blerësit të mirën nën mbrojtje të përkohshme, gjegjësisht trashëgiminë kulturore dhe gjërat e rralla natyrore me vlerë të pacaktuar i kanë nxjerrë jashtë shtetit dhe me atë në mënyrë janë tjetërsuar përgjithmonë nga shteti.