RMV, policia mbylli dy lokale dhe arrestoi pronarët e tyre

Policia në Maqedoninë e Veriut arrestoi një 38 vjeçar dhe 27 vjeçar pasi në lokalet e tyre është punuar duke mos respektuar masat kufizuese të Qeverisë, transmeton Portalb.mk.

Pronari 38 vjeçar D.S. është pronar i lokalit në rrugën “Boris Kidriç” në Tetovë, lokal në të cilin kishte pasur mysafir edhe pas kohës së lejuar, si një kufizim kundër shpërndarjes së virusit korona. Ministria e punëve të brendshme raportoi se lokali i tij tashmë është i mbyllur.

Për arsye të njëjta, policia ka arrestuar edhe pronarin 27 vjeçarin B.S. të lokalit që gjendet në fshatin Debresh në Gostivar, pasi lokali i tij ka punuar edhe në kohën e ndaluar.

MPB-ja ka njoftuar se ndaj të dy  qytetarëve do të dorëzojë padi penale në bazë të nenit 206 nga Kodi Penal, për shkak veprimeve të papërgjegjshme në kohë të pandemisë.