Pas vetos bullgare ndaj RMV-së, Këshilli i ambasadorëve do të inkurajojë ndryshimin e mekanizmit të vendimmarrjes në BE
Këshilli i ambasadorëve në aktivitetet e tij të ardhshme do të inkurajojë idenë e modernizimit të mekanizmit të vendimmarrjes në Bashkimin Evropian, bazuar në parimin e “konsensusit minus një”, pasi shprehu zhgënjim të madh pasi negociatat e pranimit në BE të Republikës së Maqedonisë së Veriut aktualisht janë bllokuar, për shkak të siç thonë nga atje, qëndrimeve joparimore të Republikës së Bullgarisë, njofton Portalb.mk.
“Pozicionet e tilla të Sofjes zyrtare, në publikun tonë, shkaktojnë gjykime të forta, veçanërisht për shkak të faktit se bllokimi i proceseve tona eurointegruese vjen vetëm nga një shtet anëtar”, thuhet në deklaratën dërguar nga Bordi Ekzekutiv i Këshillit.
Siç theksojnë nga atje, diversiteti i shteteve anëtare krijon mundësi reale për procesin e vendimmarrjes dhe për çështje të tjera të rëndësishme me karakter strukturor dhe organizativ për funksionimin e Bashkimit, për t’u përballur me probleme serioze mbi parimet ekzistuese në BE, siç edhe i ndodhi RMV-së këtë dhjetor me bllokadën nga vetëm një shtet anëtar.
Këto reagime vijnë pas bllokimit të kornizës negociuese të Maqedosnisë së Veriut nga ana e Bullgarisë.
Bullgaria veton e fundit për miratimin e kornizës negociuese Maqedonisë së Veriut ia vendosi më 8 dhjetor. Qeveria e quajti veton si një gabim të papërgjegjshëm gjeo-strategjik, duke theksuar se e “ardhmja maqedonase është evropiane”.
Ndërkohë, komisioni për çështje të historisë me Bullgarinë nuk ka progres. Bashkë-kryesuesi i palës maqedonase Dragan Gjorgiev, patideklaruar se përfaqësimi i Mbretit Samoil dhe përdorimi i mbiemrit “maqedonas” në protokollin – janë dy çështjen në të cilat ka ngecur ky komision.
- LEXO: Zaharieva tha se nuk do të ketë “po” nga Bullgaria për RMV-në pa përfshirjen e garancive në kornizën negocieuese
- LEXO: Zaev: Nëse jo tani, problemin me Bullgarinë do ta zgjidhim në verë
- LEXO: Kryeministri bullgar takoi Buçkovskin: Zgjidhjet mund të gjenden në tavolinën e negociatave
- LEXO: Kryetari i PE-së Sasoli: Për ruajtjen e kredibilitetit të saj në Ballkanin Perendimor BE-ja duhet ta mbajë fjalën për Maqedoninë dhe Shqipërinë
- LEXO: Mesazhi i kryeministrit Zaev pas vetos bullgare (VIDEO)
- LEXO: Buçkovski pas takimit në Sofje: Sigurova Zaharievën se jemi të vendosur të inmplementojmë Marrëveshjen për Miqësi
- LEXO: Mbreti Samoil dhe përdorimi protokollar i mbiemrit “maqedonas” – janë dy pikat ku ka ngecur komisioni maqedono – bullgar
- LEXO: RMV, Qeveria fajësoi Bullgarinë për bllokim të procesit eurointegrues: Identiteti maqedonas nuk negociohet