U ndaluan tubimet partiake, ceremonitë mortore e martesore në Shqipëri
Shqipëria ka shtuar masat kufizuese në luftën kundër shpërndarjes së virusit korona, duke vendosur edhe për ndaljen e tubimeve partiake, duke e marrë parasysh se Shqipëria po përgatitet për mbajtjen e zgjedhjeve në pranverë.
Instituti i shëndetit publik në Shqipëri vendosur për tri masat e reja kufizuese:
-Të ndalohen grumbullimet me më shumë se 10 persona në vende të hapura dhe të mbyllura.
-Të ndalohen mbledhjet partiake dhe tubimet.
– Konferencat, ceremonitë e festave, ceremonitë martesore dhe organizimet përtej familjare të ceremonive mortore, deri në një urdhër të dytë.
Shqipëria në 24 orët e fundit regjistroi 694 të infektuar me Kovid-19, derisa 6 pacientë të infektuar ndërruan jetë.