Profesori Xhevat Loshi dhe akademiku Ali Aliu, fitues të çmimit shtetëror “22 Nëntori”
Këshilli për ndarjen e çmimit shtetëror “22 Nëntori” në pajtim me Ligjin për çmime shtetërore dhe Rregulloren për punë të Këshillit, në seancën e fundit miratoi vendim për ndarjen e çmimit shtetëror “22 Nëntori” në vitin 2020 për mirënjohjen e njerëzve nga jeta politike, kulturore dhe shoqërore në Republikën e Maqedonisë së Veriut që kanë kontribuar në avancimin e bashkëjetesës ndërnjerëzore dhe mirëkuptimit të ndërsjellë ndërmjet pjesëtarëve të komuniteteve, kulturave dhe feve të ndryshme në Republikën e Maqedonisë së Veriut, njofton Portalb.mk.
Çmimin u ndahet:
- Prof. dr. Xhevat Loshi, albanolog
- Akademik. Ali Aliu, kritik letrar
Çmimi fituesve do t’i dorëzohet më 22 Nëntor viti 2020 (e diel) në ora 12 në Kuvendin e Republikës së Maqedonisë.
