Shkupi shënon sot 13 Nëntorin – Ditën e çlirimit

Shkupi sot shënon 13 Nëntorin – Ditën e Çlirimit në Luftën e Dytë Botërore. Në 13 nëntorin e vitit 1944, luftëtarët e divizionit 42 dhe 50 të Çlirimit Popullor të Ushtrisë Maqedonase dhe Brigadës së 16-të maqedonase çliruan Shkupin nga pushtimi fashist, njofton Portalb.mk.

Pas disa ditësh luftime të rënda me anëtarët e divizionit 22 të grenadinës gjermane, të përbërë nga regjimentet 47 dhe 65 dhe pjesë të divizionit të 11 ajror, si dhe me brigadën gjermane të kalasë “Angermiller”, e cila ishte sistemuar përpara “Grykës së Kaçanikut”, luftëtarët hynë në qytet me një marsh fitimtar.

Në kujtim të luftëtarëve që sollën lirinë e qytetit në vitin 1944, delegacionet e Qytetit të Shkupit sot do të vendosin lule para varrezave Partizane në Butel, vendi i prehjes së gjeneralit Mihajlo Apostolski, si dhe para Monumentit të Çlirimtarëve të Shkupit.