RMV, Policia për një muaj ka shqiptuar 20 mijë gjoba për kundërvajtje në trafik (Video)

Për një muaj në vend janë shqiptuar 20 mijë gjoba për kundërvajtje në trafik nga ana ne policisë, informoi zëdhënësi i Ministrisë së Punëve të Brendshme, Toni Angellovski, njofton Portalb.

Ai sot nga Gjevgjelia informoi se në këtë qytet janë shqiptuar 60 gjoba për një orë. Gjobat kryesisht u dedikohen automjeteve të paregjistruara, shoferë pa patentëshoferi dhe kundërvajtje të tjera trafiku.

Angellovski apeloi deri te qytetarët që t’i respektojnë rregullat dhe dispozitat e trafikut, jo që t’i evitojnë dënimet nga policia, por, siç tha, që të vendoset rend nëpër rrugë dhe rrugica dhe të rritet siguria e të gjithë pjesëmarrësje në komunikacion.

Ai theksoi se kontrollet dhe aksionet e përforcuara në komunikacion do të vazhdojnë edhe në periudhën e ardhshme për çka bëri thirrje që bashkërisht të gjithë të kontribuojmë për sigurinë nëpër rrugët tona.