Kafenja “Intermezzo” vazhdoi të funksionojë pavarësisht ndalimit, Bogdanoviq paralajmëroi kallëzim penal

Ndalimi i shqiptuar i punës prej 30 ditësh nuk e ndaloi kafenenë e Shkupit “Intermezzo” të vazhdojë të funksionojë. Pas kontrolleve të kafenesë, natën e kaluar ajo vazhdoi të punonte pavarësisht vendimit të shqiptuar dhe ndalimit të punës për 30 ditë, tha kryetari i komunës së Qendrës, Sasha Bogdanoviq në profilin e tij në Facebook.

“Bllokada e vendosur në hyrje të lokalit është hequr, e cila sipas nenit 389 të Kodit Penal, është një krim i dënueshëm me gjobë ose me burgim deri në tre vjet”, tha ai, duke njoftuar se pas marrjes së procesverbalit, komuna do të paraqesë kallëzim penal, transmeton Meta.mk.

Përndryshe, Sektori për Inspektim në Komunën Qendër miratoi një vendim që ndalon restorantin të funksionojë brenda 30 ditësh, pas raporteve të mëparshme dhe ankesave të vazhdueshme nga banorët për zhurmë të tepruar. Kafeneja u gjobit me 6,000 euro në gusht për muzikë me zë të lartë.