NASA lëshoi sondë në asteroidin Bennu për të mbledhur monstra nga sipërfaqja e tij
Sonda e NASA-s, e quajtur “Osiris-Rex”, ka bërë një lëshim historik në asteroidin Bennu për të mbledhur mostra nga sipërfaqja e tij për disa sekonda. Sonda më pas u largua me sukses nga ky objekt qiellor. Përpjekja për të ulur anijen kozmike Osiris-Rex në asteroidin Bennu u transmetua drejtpërdrejt nga NASA të martën, njofton BBC, transmeton Portalb.mk.
“Misioni kompleks inxhinierik”, siç përcaktohet nga agjencia amerikane e hapësirës, synon të mbledhë mostra të materialit të asteroidit.
Operacioni i ndërlikuar zgjati 4.5 orë dhe sonda arriti të lëshohej në këtë asteroid rreth orës 6 e 12 minuta të pasdites. Përmes pajisjeve të veçanta, soda mblodhi gurë dhe pluhur para se të kthehej përsëri në hapësirë.
Ky lëshim u arrit përmes komandave të përcaktuara më herët nga kontrolluesit, shkruan “Daily Mail”.
Kjo është hera e parë që Shtetet e Bashkuara mbledhin mostra nga një asteroid dhe rezultatet e analizës pritet të jenë të jashtëzakonshme, sepse asteroidi Bennu përmban material nga Sistemi i hershëm Diellor dhe mund të ofrojë të dhëna rreth origjinës së jetës në Tokë.
