Ramush Haradinaj: Publikimi i dosjeve të Speciales ka qenë i gabuar
Kryetari i partisë Aleanca për Ardhmërinë e Kosovës, Ramush Haradinaj, ka thënë se publikimi i dosjeve të Gjykatës Speciale ka qenë i gabuar dhe se do e dëmtojë më së shumti Kosovën, përfshirë edhe vet të akuzuarit.
Sipas tij, tentimi për të krijuar imazhin se Kosova është e mobilizuar ta pengojë drejtësinë është i gabuar, njofton Klan Kosova.
“Ne nuk kemi qenë e as nuk jemi në anën e kundërt të drejtësisë”.
“Apeloj te organet e drejtësisë, vendore dhe ndërkombëtare, që të respektojnë të drejtat e të gjithëve. Asnjë i akuzuar nuk do t’i ik drejtësisë”.
“Konsideroj se nuk ka arsye për operacione e bastisje, sepse secili do t’i përgjigjet vullnetarisht drejtësisë”.
“Kosova është gjithmonë me ligjin dhe me viktimat, sepse vet ishte viktimë e padrejtësive. Vet UÇK-ja dhe populli i Kosovës kanë argumentuar se gjithmonë janë pozicionuar në anën e drejtësisë, të vërtetës, dhe të drejtës ndërkombëtare. Kjo nuk ka ndryshuar asnjëherë”.
Kujtojmë se sot gjatë ditës, policia e EULEX-it ka zhvilluar sot një aksion brenda zyrave të Organizatës së Veteranëve të Luftës të Ushtrisë Çlirimtare të Kosovës.
Ky aksion policor ka rezultuar me arrestimin e kryetarit të kësaj organizate, Hysni Gucatit.
Klikoni në linkun e mëposhtëm për t’u informuar më shumë rreth kësaj ngjarje.
