Zhbogar në 30 ditët e fundit të mandatit të tij, çdo ditë do të publikojë nga një fotografi
Ambasadori i Bashkimit Evropian në Maqedoninë e Veriut, Samuel Zhbogar, në profilin zyrtar të Tuiterit dje rikujtoi se edhe 31 ditë do të largohet nga vendi pasi që i mbaron detyra. Ai tha se është i ngazëllyer që po kthehet në shtëpi, por edhe i mbushur me emocione për shkak të kohës që e ka kaluar në këtë vend. Maqedonisë së Veriut do t’ia japë lamtumirën me 30 fotografi, çdo ditë nga një, me të cilat do t’i paraqet kujtimet e viteve të kaluar këtu, njofton Portalb.mk.
“Për 31 ditë e lëshoj Maqedoninë e Veriut. Jam i ngazëllyer që kthehem në shtëpi, por edhe i vërshuar nga me emocione për kohën që e lë mbrapa meje. Me numërimin e 30 sllajdeve do të kthehem në kujtimet e 4 viteve të fundit 1/30”, shkruajti ai.
In 31 days I'll be leaving ??. I'm exited to return home, but also overwhelmed with emotions of the time I'm leaving behind. In 30 slides countdown I'll reflect on the memories of the last 4 years. 1/30 pic.twitter.com/HAUhxMVbvs
— EU Ambassador (@AmbassadorEU) August 16, 2020
Ndryshe, Dejvid Ger, është kandidati i nominuar për shef të ri të delegacionit të BE-së në RMV, nga përfaqësuesi i lartë i BE-së për politikë të jashtme dhe siguri dhe nënkryetar i Komisionit Evropian Zhozep Borel.
Ger për momentin është në krye të Sektorit për politikë të sanksioneve në EEAS.
Zhbogar e kryen funksionin e euroambasadorit në vend nga 1 shtatori i vitit 2016, ndërsa ka ardhur në vendin e shefit të atëhershëm të delegacionit Aivo Orav.
Borel mes emërimeve tjera për euroambasadorë në rajon i nominoi edhe Tomash Sunjog për shef të delegacionit të BE-së në Kosovë, Oana Kristina Pola për euroambasadore në Mal të Zi, si dhe Nikollaus Mejer Landrut për shef të delegacionit të BE-së në Turqi.