Në Brazil, Meksikë dhe Indi vazhdon të rritet numri i rasteve dhe viktimave me COVID-19
Për shkak të koronavirusit të ri (COVID-19) në 24 orët e fundit në Brazil janë shënuar 1.284 vdekje, në Meksikë 790 dhe në Indi 1.129, transmeton Anadolu Agency (AA).
Ministria e Shëndetësisë së Brazilit njoftoi se me 67.680 rastet e reja që janë regjistruar në 24 orët e fundit ka arritur në 2.227.514 numri i rasteve me COVID-19 në vend ndërsa me 1.284 vdekjet e reja në 24 orët e fundit numri i viktimave në Brazil ka arritur në 82.771.
Kështu regjistrohet numri më i lartë i rasteve në vend që nga shfaqja e pandemisë në vend.
Qendra tregtare e vendit, rajoni Sao Paulo me një popullsi prej rreth 46 milionë banorë është rajoni më i prekur në vend nga pandemia me 439.446 raste dhe 20.532 vdekje nga COVID-19.
Ndërkohë numri i personave të shëruar nga virusi arrin në 1.532.138.
Me një popullsi prej më shumë se 211 milionë banorë, Brazili cilësohet si “epiqendra e pandemisë” në Amerikën Latine.
– Meksikë numri i viktimave tejkalon shifrën 41.000
Ministria e Shëndetësisë së Meksikës njoftoi se me 70 vdekjet e reja të shënuara në 24 orët e fundit numri i viktimave nga COVID-19 në vend është rritur në 41.190. Ndërsa me 6.019 raste të reja është rritur në 362.274 numri i rasteve me COVID-19.
Deri më tani në vend janë shëruar 231.403 persona të prekur me COVID-19.
Numri i vdekjeve nga COVID-19 në Meksikë tejkaloi për herë të parë shifrën 500 më 27 maj. Në Meksikë rasti i parë me COVID-19 u regjistrua më 28 shkurt ndërsa vdekja e parë më 19 mars.
– Indi, numri i vdekjeve rritet në 29.861
Ministria e Shëndetësisë së Indisë tha se në 24 orët e fundit në vend janë shënuar 45.720 raste të reja duke e rritur në 1.238.635 numrin e rasteve ndërsa me 1.129 vdekjet e reja në 24 orët e fundit është rritur në 29.861 numri i viktimave nga COVID-19.
Deri më tani numri i personave që janë shëruar nga COVID-19 në Indi ka arritur në 782.607 persona.
Sipas faqes së internetit “Worldometer”, e cila përpilon të dhënat në lidhje me COVID-19, India radhitet në vendin e tretë në botë përsa i përket numrit të rasteve.
