Arkitektët kërkojnë nga Komuna Qendër që të tërheqë dhe të ripërpunojë PDU-në e propozuar për Unazën e Vogël
Asociacioni i Arkitektëve të Maqedonisë (AAM) reagon ashpër dhe kërkon që Komuna e Qendër të tërheqë dhe ripërpunojë Propozim-Planin e detajuar urbanistik për lagjen e qytetit C01 – Unaza e Vogël 1, për të cilin është paraparë prezantim publik dhe sondazh publik për 22 korrik 2020 (e mërkurë) në orën 10.00, njofton Portalb.mk.
“Arsyeja për të cilën po kërkojmë të tërhiqni propozim-planin është e thjeshtë. Në këtë plan janë planifikuar objektet e njëjtat që ishin kontestuese edhe në planin e mëparshëm kriminal që mundësoi ndërtimin e objekteve nga projekti i ashtuquajtur “Shkupi 2014”. Si shoqata më e madhe e arkitektëve në Republikën e Maqedonisë së Veriut, AAM është angazhuar për rishikim institucional të projektit “Shkupi 2014” dhe përballje institucionale me aktin e dhunshëm të ndryshimit në zonën qendrore në qytet. Por kjo nuk ndodhi. Përkundrazi, me këtë propozim plan ju jepni konfirmim institucional dhe riafirmim të pjesës së ndërtuar, por çka është edhe më keq, edhe pjesës së pa ndërtuar të projektit “Shkupi 2014”, thuhet në prononcimin e AAM, drejtuar kryetarit të Qendrës Sasha Bogdanoviq dhe kryetares së këshilli komunal, Cvetanka Simonovska.
AAM është i befasuar, sepse më 17 dhjetor 2017, komuna e Centar mori një vendim, i cili është akoma i vlefshëm, për moratorium të ndërtimeve në komunë p-ër sa kohë që nuk rishqyrtohen të gjitha planet.
“Planet e reja të rishikuara po i miratoni me prioritet, ndërsa kushtet për prioritetin sipas të cilit po miratohen planet nuk janë shpallur për publikun. Meqenëse ky plan është realizuar më shumë se 90 përqind, AAM kupton që prioriteti juaj është ndërtimi i Monumentit të Nënë Terezës (vendosur mbi rrugën Orce Nikollov), të ashtuquajturat Shkallë Spanjolle, konfirmohet me dhënien e hyrjes së shtuar të qendrës NAMA nga ark. Slavko Brezovski dhe konfirmimi i statusit të mbrojtjes së Shtëpisë Përkujtimore të Nënë Terezës dhe Portës Triumfale, e me këtë edhe përfundimi të projektit “Shkupi 2014”, thuhet në deklaratën e AAM.
Asociacioni i arkitektëve beson se për propozim – plan i këtillë nuk ka nevojë për prezantim publik dhe anketë publik përpara se ndërtesat e diskutueshme të hiqen nga plani. Prezantimi publik i një plani të tillë ishte bërë tashmë një herë kur u prezantua projekti “Shkupi 2014” në vitin 2010.
Përveç AAM-it edhe Jana Bellçeva, këshilltare në komunën e Qendër dhe ish-kryetare e Këshillit të komunës Qendër, kërkoi gjithashtu tërheqje nga sondazhi publik dhe diskutimin e propozuar të DUP Mal Ring disa ditë më parë. Edhe iniciative civile “O2” thekson gjithashtu se praktika e përsëritjes së planeve kryesore të detajuara urbanistike përsëriten gjatë verës, e në këtë rast edhe në kushte të pandemisë.
Kryetari i Qendrës, Sasha Bogdanoviq, për momentin i hedh poshtë kërkesat për shtyrjen e anketës dhe debatit publik, duke theksuar se sondazhi publik do të zgjasë 30 ditë dhe ky DUP i propozuar nuk do të thotë zgjidhje përfundimtare se si do të duket Unaza e Vogël. Propozim-plani i detajuar urbanistik për qendrën e Shkupit është përgatitur nga IN – PUMA, të cilët ishin zyrtarisht autorët e të gjitha ndryshimeve në këtë plan të detajuar urbanistik në kohën e realizimit të projektit “Shkupi 2014”.
