Macron stepet ndaj Jelekëve të Verdhë; Shtyn reformën e kontestuar të pensioneve deri në 2021
Jean Castex, kryeminsitri i ri i presidentit francez Emmanuel Macron, ka pranuar sot të pezullojë reformën e kontestuar të pensioneve duke u tërhequr ndaj kërkesave të protestuesve të njohur si “Jelekët e Verdhë”, transmeton TCH.
Castex tha se negociatat mes qeverisë dhe sindikatave do të shtyhen deri në 2021 për t’u fokusuar në rekuperimin ekonomik prej krizës së COVID-19.
Reforma e nxitur nga presidenti Emmanuel Macron u ndalua rrjedhimisht në shkurt nga pandemia, por zemërimi prej saj nxori në rrugë qindra mijëra njerëz në fillim të vitit.
Vendimi pritet të shfrytëzohet nga kundërshtarët e Macron duke e quajtur një shenjë dobësie.
Castex u tha dje gazetarëve se kreu takimin e parë me sindikatat që prej marrjes së postit: “Prioriteti është beteja kundër krizës, për punësimin dhe kundër papunësisë.”
Ai insistoi se reforma, e cila përfshin rritjen me dy vjet të moshës së pensionit në 64, nuk do të anulohet, por do të shtyhet deri pas zgjedhjeve presidenciale.
