1,000 denarë një të sëmuri për të votuar për një parti të caktuar, raportoi policia
Ministria e punëve të brendshme (MPB) raportoi se dje në SPB-Veles është paraqitur një rast ku dyshohet për blerje të votës, transmeton Portalb.mk.
“Me 14 korrik, në SPB-Veles është raportuar se P.A. nga Gradsko, para ardhjes së Këshillit zgjedhor, erdhi në oborrin e A.S. (personi me problem shëndetësore) në rrugën “Boris Trajkovski” dhe i dha 1,000 denarë për të votuar për një parti të caktuar”, raportojnë nga MPB-ja.
MPB-ja sqaroi se policia ka biseduar me P.A dhe me P.E, kujdestarin e A.S.
Ndryshe, Prokuroria themelore publike së bashku me MPB-në sot kanë raportuar për parregullsitë zgjedhore dhe procedurat për zbardhjen e tyre deri në ora 13:00. PTHP-ja raportoi për parregullsi të ndryshme, si brenda dhe jashtë hapësirave të votimit.
MPB-ja gjithashtu sot ka raportuar edhe për 8 rastet kur është shkelur heshtja parazgjedhore.
