Janushev në Zelenikovë: Ne jemi të ndryshëm, ofrojmë ardhmëri dhe siguri
Rritja e pagave dhe pensioneve dhe zvogëlimi i papunësisë, mbështetje e bujqve, rindërtim i fasadave të shtëpive janë mes projekteve të shumta nga programi i VMRO-DPMNE-së, deklaroi sekretari i përgjithshëm i partisë Igor Janushev, bartës i listës në NJZ 3, pas takimit të sotëm me banorët e komunës Zelenikovë. Ka biseduar, tha, me njerëzit për problemet e tyre dhe i ka njoftuar me atë që ua ofron qeveria e udhëhequr nga VMRO-DPMNE pas zgjedhjeve më 15 korrik.
“Ajo që është gjithashtu një fakt është se kemi mundësi të bisedojmë për pjesën e premtimeve të parealizuara përkatësisht gënjeshtra të LSDM-së këtu në Zelenikovë, një shembull i tillë është edhe ura këtu në vendin Reka, i cili edhe krahas premtimeve, krahas gënjeshtrave në disa kthime në të kaluarën edhe nga ana e kryetarit të komunës përkatësisht vetëqeverisja lokale, por edhe nga ana e funksionarëve tjerë të lartë të LSDM-së, me të vërtetë asgjë nuk është bërë. Për atë miq të dashur koha është të themi se është mjaft dhe kjo qeveri së bashku me politikanët të shkojnë në anën e errët të historisë”, tha Janushev.
Theksoi se gjithçka që kanë vendosur në programin “Projekt Ripërtëritje” obligohen para qytetarëve se do të reaspektohet dhe do të realizohet në periudhën e ardhshme prej katër viteve, sepse, siç tha, “ne jemi të ndryshëm, ne ofrojmë ardhmëri, siguri, ne ofrojmë të jenë me kokën lartë”.
