Komisioni për sëmundje infektive do të mobilizojë kryetarët e komunave të ndihmojnë për të mos kthyer orën policore
Komisioni për sëmundje infektive do t’u bëjë thirrje autoriteteve lokale për të ndihmuar në përballjen me valën e re të personave të infektuar rishtazi, pasi koronavirusi tashmë është përhapur kudo. Komisioni beson se punonjësit shëndetësorë nuk duhet të lihen vetëm dhe nëse kryetarët e komunave nuk arrijnë të rrisin ndërgjegjësimin e publikut për të respektuar masat për të mbajtur maska dhe për të mirëmbajtur distancë, masat më të rrepta kufizuese do të duhet të kthehen, përfshirë edhe orën policore, raporton SDK, përcjell Portalb.mk.
“Masat janë ato dhe pavarësisht nëse është Çairi apo Strumica, ato duhet të respektohen – izolimi, maska, distanca … Njerëzit kanë vendim për të qëndruar në izolim, ndërsa ata ecin rreth-e-rrotull. Pika kritike janë tregjet, autobusët transportit urban dhe ndërurban, si dhe parqet. Nuk është problem shëtitjet e thjeshta në park ose ngasja e biçikletës. Problem janë tubimet dhe zbavitjet. Si t’i detyroni qytetarët të mos bëjnë zbavitje e të mos ndërmerren masa kufizuese? Nëse ata nuk vetëdijesohen, do të duhet të kthejmë masat”, tha d-r. Aleksandar Stojanov, epidemiolog specialist në Qendrën e shëndetit publik në Shkup.
Edhe Drejtoresha e inspektoratit shëndetësor dhe sanitar, Irena Sotirova-Buhova, tha në konferencën e sotme për shtyp në Qeveri se numri i shtuar i personave të infektuar rishtazi është vetëm për shkak të mosrespektimit të rekomandimeve dhe mosdhënies së kontakteve.
Ditët që kaluan, numrat kanë filluar të rriten kudo në rajon pasi masat kufizuese u qetësuan ose u shfuqizuan. Në Mal të Zi dhe Slloveni, të cilët kanë shpallur fitoren ndaj koronavirusit, përsëri ka raste të reja, si në Kroaci, ku nuk ka pasur raste të reja për ca kohë. Në Kosovë dhe Shqipëri, ka pasur një rritje të madhe të numrave, dhe në Serbi numri i rasteve të reja nuk po bie. Rritje të rasteve të reja ka edhe në Bullgari.
D-r. Stojanov thotë se strategjia për trajtimin e koronavirusit duhet të jetë rajonale, sepse virusi nuk njeh kufij. Ai përkujtoi se në vitin 1996, kur shpërtheu një epidemi poliomieliti në Shqipëri dhe Greqinë veriore, në Maqedoni u bë vaksinim i jashtëzakonshëm.
“Ne nuk kemi pasur raste, por kemi bërë vaksinime të jashtëzakonshme, sepse në situata të tilla nuk mund të flasim për kufij,” tha d-r. Stojanov.
Sipas tij, Organizata Botërore e Shëndetit (OBSH) po dërgon mesazhe kontradiktore që nga fillimi i pandemisë, që shpesh kanë qenë konfuze. Së pari ata këshilluan që të mos mbyllen kufijtë, e më pas të mbyllen, së pari thanë që maska nuk duhet të vishen, e pastaj rekomanduan se duhet… OBSH duhet ta shohë këtë rajon si tërësi, e jo veçmas nga shteti në shtet, tha ai.
