fbpx

Gattuso me shumë probleme sot në formacion para ndeshjes kundër Interit

Pas 105 ditësh Napoli rikthehet në fushë për të luajtur të shtunën në mbrëmje kundër Interit ndeshjen e kthimit të gjysmëfinaleve  të Kupës së Italisë, transmeton SS.

Rino Gattuso duket se deri në orët e fundit para ndeshjes do të qëndrojë në ankth në lidhje me lojtarët e dëmtuar dhe për të përcaktuar formacionin që do të luajë.Mungesës së Manolas i dëmtuar mund t’i shtohen dhe 3 lojtarë të tjerë të cilët rrezikojnë ndeshjen e parë në këtë rikthim të futbollit italian.

Ata janë mesfushorët Allan dhe Fabian Ruiz dhe së fundmi sulmuesi kryesor Dries Mertens. Stërvitja e këtyre ditëve duket se ka krijuar disa probleme muskulare për lojtarët. Mertens ka probleme  në kofshë dhe i është nënshtruar disa terapive të veçanta. Gatusso do ta mësojë vetëm të shtunën nëse belgu do të jetë gati për ndeshjen me Interin. Vetë Gattuso ka deklaruar se i ka bërë planet e tij me Mertens në fushë dhe është i gatshëm për të pritur deri në fund.

Nëse ai nuk ja del atëherë rradha do të jetë për Milik. Sulmuesi polak është në formë të mirë edhe pse thuhet se ketë mund të jenë ditët e fundit tek skuadra e Napolit. Milik ka refuzuar tre herë rinovimin e kontratës që mbaron në 2021-in. Nëse Napoli nuk e shet këtë verë, vitin tjetër ai largohet me parametër zero.

Tags

Lajme të ngjashme

Leave a Reply

Your email address will not be published. Required fields are marked *

Back to top button
Close