Autoritetet e qytetit të Mineapolis: Policia do të shpërndahet
Policia në Mineapolis do të “shpërndahet”, publikuan autoritetet e qytetit amerikan, ku gjatë arrestimit të policisë është vrarë afroamerikani Xhorxh Flojd.
Kjo konsiderohet si kthesë në protestat nacionale, që filluan pas vrasjes së Floyd më 25 maj.
Për vrasjen e Floyd do të përgjigjen 4 policë, një për vrasje, ndërsa tre të tjerë për ndihmë dhe nxitje të vrasjes.
“Ne jemi për shpërndarjen e shërbimit policor siç e njohim në qytetin e Mineapolis”, tha kryetari i Këshillit të qytetit, Liza Bender, për CNN.
Ajo shtoi se autoritetet, së bashku me popullatën lokale, do të formojnë një “model të ri të sigurisë publike që me të vërtetë e siguron sigurinë e të gjithë njerëzve”.
Bender deklaroi se ai synon t’i ridrejtojë fondet të synuara për policinë e qytetit në projekte të bazuara në komunitetin lokal.
Këshilli i qytetit po i shqyrton gjithashtu mënyrat për ta zëvendësuar policinë ekzistuese, tha Bender, duke theksuar se ky nuk është një “projekt afatshkurtër”.
Shumica e anëtarëve të Këshillit të qytetit e mbështesin idenë e shpërndarjes së policisë dhe zëvendësimin e asaj siç e përshkruan ata, me një model sigurie të bazuar në komunitet.