fbpx

Kriza e koronës ka bërë që aeroportet e Maqedonisë të humbin gjysmë milioni pasagjerë (Infografik)

Koronavirusi dhe përhapja e tij katër mujore në vendin tonë i ka shkaktuar dëme serioze trafikut ajror. Si rezultat i vendimit të 18 marsit për mbylljen e të dy aeroporteve si masë për të parandaluar përhapjen e Kovid-19 në Maqedoninë e Veriut, deri në fund të majit në trafikun ajror janë humbur rreth gjysmë milioni pasagjerë. Të dhënat e Entit Shtetëror Statistikor tregojnë se në prill të vitit 2020 transporti ajror ka regjistruar vetëm 1.853 pasagjerë edhe atë të gjithë si qytetarë që Ministria e Punëve të Jashtme i ktheu në vendin tonë me fluturime speciale, njofton Meta.mk, transmeton Portalb.mk.

Kundrejt këtij numri minimal, në prill të vitit të kaluar në dy aeroportet, Shkup dhe Ohër, janë regjistruar 213.261 pasagjerë e në maj kanë qenë të regjistruar 219.141 pasagjerë. Në mars të vitit 2019, nëpër aeroportet kanë kaluar 175.437 pasagjerë, ndërsa në të njëjtin muaj këtë vit ishin regjistruar 79.469 pasagjerë. Nëse merren parasysh statistikat e tilla, atëherë mund të konstatohet se për shkak të krizës së koronës transporti ajror në vend deri më tani ka humbur rreth 520,000 pasagjerë, pa përfshirë shifrat e zvogëluara për pasagjerët e transportuar që do të pasojnë në muajt e verës.

Dëmet i trafikut ajror mund të vazhdojë të rritet nëse përhapja e mëtutjeshme e vendit të virusit korona nuk është nën kontroll. Deri më tani, qeveria e Maqedonisë nuk ka vendosur ende për datën e hapjes së aeroporteve në Shkup dhe Ohër, por edhe nëse e ndërmerr këtë hap, rolin vendimtar do ta kenë vendimet e  qeverive të huaja nëse ata do t’i lejojnë shtetasit e Maqedonisë të hyjnë në territorin e tyre.

Ueb faqet e dy aeroporteve në Shkup dhe Ohër aktualisht nuk i kanë publikuar oraret e fluturimeve verore, ndërsa linjat ajrore të huaja vazhdimisht po e prolongojnë fillimin e fluturimeve të rregullta drejt aeroporteve tona. Disa aviokompani shesin bileta ajrore për në Shkup dhe Ohër për periudhën pas 15 qershorit, por shumica e atyre që kanë fluturime të rregullta drejt vendit tonë kanë anuluar prenotimet e biletave për në fund të qershorit ose fillim të e korrikut.

Tags

Lajme të ngjashme

Leave a Reply

Your email address will not be published. Required fields are marked *

Back to top button
Close