Çulev: Rritja e numrit të të infektuarve është pasojë direkte e faktit se pushteti ka bërë si PR ditor

Rritja e numrit të të infektuarve është pasojë direkte e faktit se pushteti në vend të politikave esenciale ka bërë si PR ditor nga çështja lidhur me përballjen me koronavirusin, njoftoi në profilin e tij në Facebook ministri i Punëve të Brendshme, Naqe Çulev, transmeton Portalb.mk.

Secili vendim i Qeverisë, thotë Çulev, lidhur me masat, veçanërisht kur zgjedhjet kanë filluar të bëhen aktuale është sjell përmes prizmit të politikës, e jo që të mbrohet shëndeti dhe jeta e qytetarëve dhe ky është fakt nga i cili nuk ka ikje.

“Nëse kanë dyshim se policia nuk ka vepruar në mënyrë adekuate, këtë çështje duhet ta drejtojnë deri tek Drejtoria e byrosë për siguri publike dhe nga ajo të kërkojnë përgjegjësi. Unë në disa raste gojarisht përmes Trupit koordinues të MPB-së, por edhe me shkrim kërkova në kohë, në mënyrë joselektuese, zbatim të plotë dhe përkatës të vendimeve të qeverisë. Mbrojtja e shëndetit, nuk është politikë. Ky është veprim operativ i policisë që është në kompetencë të plotë të Drejtorit për siguri publike, fakt të cilin ai në disa telegrame e konfirmoi dhe potencoi”, porositi Çulev në profilin e tij në Fejsbuk.

Qytetarët, theksoi ai, janë të vetëdijshëm se pas lehtësimit të masave për kufizimin e lëvizjes fshihet vetëm dëshira e partisë qeveritare për zgjedhje sa më të shpejta, ndërsa shëndeti i qytetarëve është në plan të dytë dhe për këtë në disa raste jam shprehur në opinion, por edhe në seancat e qeverisë.

Ndërkohë, në 24 orët e fundit janë regjistruan edhe 52 raste të reja me Covid – 19, prej të cilave 25 në Shkup. Ministria e Shëndetësisë, sot publikoi se janë shënuar edhe 4 viktima të reja, ndërkohë 30 pacientë janë shëruar.