fbpx

Maqedoni e Veriut, pas më shumë se 2 muajsh filluan me punë restorantet dhe kafenetë (FOTO-GALERI)

Nga sot filluan me punë restorantet dhe kafenetë në Maqedoninë e Veriut, të cilat para më shumë se dy muajsh u mbyllën me vendim qeveritar si masë për parandalimin e përhapjes së koronavirusit të ri (COVID-19), raporton Anadolu Agency (AA).

Virusi korona, Shkup, kafene, restorant, restaurant, kafiteri
Foto: AA

Sipas vendimit të Qeverisë së Maqedonisë së Veriut të miratuar më 26 maj, nga dita e djeshme është hequr ora policore në vend, ndërsa sot, sipas protokolleve të caktuara, filluan me punë vetëm restorantet dhe kafenetë që kanë hapësira të hapura.

Virusi korona, Shkup, kafene, restorant, restaurant, kafiteri
Foto: AA

Siç thuhet në protokollin e publikuar nga Qeveria, orari i punës i restoranteve dhe kafeneve do të jetë nga 08:00 – 22:00. Të punësuarit që shërbejnë duhet të mbajnë maska dhe të mirëmbajnë higjenën personale dhe të objektit, ndërsa lejohet funksionimi vetëm në hapësirat e hapura.

Virusi korona, Shkup, kafene, restorant, restaurant, kafiteri
Foto: AA

Gjithashtu, nevojitet që tavolinat të jenë në distancë prej 1,5 deri në 2 metra nga njëra-tjetra, ndërsa në një tavolinë mund të ulen vetëm dy persona, në përjashtim nëse bëhet fjalë për anëtarë të familjes.

Virusi korona, Shkup, kafene, restorant, restaurant, kafiteri
Foto: AA

Restorantet dhe kafenetë në Maqedoninë e Veriut u mbyllën me vendim të Qeverisë më 13 mars, si masë për parandalimin e përhapjes së COVID-19.

Sipas të dhënave të fundit të publikuara nga Ministria e Shëndetësisë, në Maqedoninë e Veriut janë regjistruar gjithsej 122 vdekje dhe 2.077 raste me COVID-19. Numri i të shëruarve qëndron në 1.486, ndërsa janë edhe 469 raste aktive.

Virusi korona, Shkup, kafene, restorant, restaurant, kafiteri
Foto: AA

Kujtojmë se më 15 maj, presidenti i Maqedonisë së Veriut, Stevo Pendarovski, shpalli sërish gjendje të jashtëzakonshme prej 14 ditësh për shkak të krizës së shkaktuar nga COVID-19, ndërsa përmendi si arsye zbatimin e masave ekonomike dhe sociale.

Virusi korona, Shkup, kafene, restorant, restaurant, kafiteri
Foto: AA

Lajme të ngjashme

Leave a Reply

Your email address will not be published. Required fields are marked *

Back to top button