fbpx

RMV, Qeveria ndryshoi rregullat për karantinën shtetërore

Në Seancën e Qeverisë së RMV-së, sot ndryshoi edhe rregulla e karantinës shtetërore, ashtu që qytetari i cili futet në vend mund të mos mban karantinën shtetërore, nëse në 72 orët e fundit ka bë testin PCR në vendin prej ku vjen, transmeton Portalb.mk.

“Derisa personat që futen në terrorin e RMV-së e paraqesin PCR testin për virusin korona Kovid-19 të realizuar në 72 orët e fundit para hyrjes në territorin e RMV-së, në vend të karantinës shtetërore të detyruar, do të mbajnë vetizolim shtëpiak”, njoftojnë nga Qeveria.

Përndryshe, kjo vlen për udhëtarët që vijnë me transport të organizuar, pasi kufijtë e vendit akoma nuk janë hapur. Ministri Filipçe paralajmëroi se në mesin e qershorit planifikohet hapja e kufijve.

Qeveria e RMV-së më herët ka larguar edhe izolimin në shtëpi, si masë pas karantinës shtetërore.

Fillimisht karantina në Maqedoninë e Veriut ishte dyjavore në objektet e përcaktuara nga shteti, që kryesisht ishin hotele. Përveç 14 ditëve të karantinës shtetërore, qytetari i njëjtë duhej t’i nënshtrohej edhe karantinës shtëpiake dyjavore.

Tags

Lajme të ngjashme

Leave a Reply

Your email address will not be published. Required fields are marked *

Back to top button
Close