Senati amerikan bëri thirrjen e parë për hetim të administratës Obama
Një panel i Senatit lëshoi të mërkurën thirrjen e tij të parë, si pjesë e përpjekjes republikane për të hetuar administratën e ish-presidentit të SHBA-ve, Barack Obama dhe ish-zv/presidentit Joe Biden, kandidatit i mundshëm demokratik për zgjedhjet presideciale të nëntorit, transmeton Anadolu Agency (AA).
Komisioni i Sigurisë dhe Çështjeve të Qeverisë së Senatit votoi 8-6 në linja partiake, ku të gjithë demokratët kundërshtuan thirrjen e “Blue Star Strategies”, ndaj firmës së lidhur me kompaninë e gazit ukrainas në bordin e të cilit shërbente djali i Bidenit.
“Blue Star” është një kompani e specializuar për marrëdhënie me publikun që ka punuar me Burisma.
Demokratët kundërshtuan thirrjen, duke e quajtur atë një përpjekje dhe mashtrim për të rritur shanset e rizgjedhjes së presidentit, Donald Trump përpara zgjedhjeve kombëtare në vjeshtë dhe një shpërqendrim nga përpjekjet e nevojshme për të zbutur ndikimin e pandemisë së koronavirusit të ri (COVID-19).
“Në këtë moment kur amerikanët kanë nevojë për ne që të punojmë së bashku, ky hetim skajshmërisht partizan po na ndan”, tha senatori demokrat Gary Peter, duke shtuar se “Ky nuk është një hetim serioz dypartiak në traditën e këtij komiteti”.
Kryesuesi i Komisionit Ron Johnson deklaroi për “Fox News” menjëherë pas votimit se ai është “paksa i dyshimtë” për kundërshtimet e demokratëve, për të cilët tha se “protestoni pak si shumë”.
“Me sa duket jemi duke goditur një nerv këtu. Ndoshta po afrohemi të zbulojmë disa informacione të rëndësishme”, i tha Johnson rrjetit televiziv të lajmeve.
Thirrja kërkon dokumente nga “Blue Star” që datojnë nga viti 2013 në lidhje me punën e firmës për Burisma dhe kërkon intervista me zyrtarët e lartë të agjencisë për të diskutuar veprimtaritë.
Burisma deri më tani ka qenë në qendër të akuzave të pajustifikuara të Trumpit për korrupsion ndaj Bidenit dhe djalit të tij, Hunter.
Kompania paraqiti impiçmentin kundër Trumpit, pasi ai i kishte kërkuar nga presidenti i Ukrainës, Volodymyr Zelensky që të hap hetim gjatë një telefonate në korrik të vitit 2019.
Trump në fund u lirua nga akuzat në një gjykim në Senat.
