Gjykata Kushtetuese të mërkurën do të vendos nëse do të ketë procedurë për Kuvendin
Të mëkurën, Gjykata Kushtetuese, do të ketë takim pune në të cilin gjykatësit do të marrin qëndrim nëse do ta pranojmë iniciativën dhe sipas detyrës zyrtare të ngremë procedurë për shpërndarjen e Kuvendit dhe shpalljen e zgjedhjeve, deklaroi kryetari i Gjykatës Kushtetuese, Sali Murat, njofton Portalb.mk.
Murati nuk ka dëshiruar që të prejudikojë se si do të jetë vendimi, thotë se ngritja e procedurës, do të varet prej shumicës së gjykatësve.
“Do të diskutojmë dhe analizojmë dhe në fund do të votojmë”, tha Murati.
Çështja e kthimit të deputetëve pasi është shpërndarë Kuvendi është bërë aktuale pasi që LSDM-ja vlerëson se gjatë kësaj kohe të jashtëzakonshme deputetët duhet që të jenë në Kuvend për ta rikonfirmuar gjendjen e jashtëzakonshme të shpallur nga presidenti. LSDM mblodhi numrin e nënshkrimeve të nevojshme për iniciativë, për thirrjen e seancës parlamentare dhe të njëjtat i ka dorëzuar në Kuvend.
Kryeministri Oliver Spasovski, ka thënë se është logjike dhe përgjegjësi politike që të veprohet në mënyrë adekuate dhe të mundësohet funksionimi i Kuvendit, nëse është e nevojshme,
VMRO-DPMNE, vlerësojnë se deputetëve u është marrë mandati dhe ai mund t’u kthehet vetëm në zgjedhje, pasi që në të kundërtën do të shkelej kushtetuta.
“Kjo përbërje parlamentare është e kaluar dhe me shpërndarjen e Kuvendit mandati i deputetëve ka përfunduar dhe ata kanë kthyer legjitimitetin mbrapa te qytetarët. I vetmi që mund të mbush sallën në Kuvend është populli. Nuk mundet as Zoran Zaev, as një grup deputetësh të tentojnë të shkelin Kushtetutën”, ka deklaruar Mickoski.
Në një linjë me VMRO-DPMNE-në janë edhe kryeparlamentari, Talat Xhaferi dhe BDI.
- LEXO: Kundërspin: Xhaferi harron që Gjykata Kushtetuese tashmë vlerësoi se mandati i deputetëve mund të vazhdohet
- LEXO: VMRO dhe BDI përjashtojnë mundësinë e thirrjes së Kuvendit, edhe pse në 2016 dy partitë mblodhën Kuvendin pas shpërndarjes së tij
Sipas paralajmërimeve, nëse deputetët kthehen në punë, detyrën e parë që do ta kryejnë është që t’i konfirmojnë dy vendimet e presidentit, Stevo Pendarovski për shpalljen e gjendjes së jashtëzakonshme, por edhe që t’i transformojnë në ligje dekretet e Qeverisë të miratuara gjatë kohës së pandemisë.
Më 15 prill të këtij viti, Gjykata Kushtetuese e ka shqyrtuar vendimin për shpërndarjen e Kuvendit më 16 shkurt, por nuk hapi procedurë, pasi që është konstatuar se për aspekt formal, Kushtetuta nuk është shkelur pasi që deputetët kanë të drejtë që ta kthejnë mandatin.
Në ndërkohë, Gjykata punon edhe në iniciativat lidhur me dekretet e Qeverisë, prej të cilave 150 janë të kontestuara, pjesa më e madhe nga Kongresi Botëror Maqedonas.
Reagime të ashpra në opinion shkaktoi vendimi i Gjykatës Kushtetuese, me të cilën e ndaloi dekretin qeveritar me të cilin funksionarëve shtetëror, gjykatësve dhe prokurorëve, dy muaj duhej që t’u jepej pagë minimale. Pas kritikave të opinionit, një pjesë e gjykatësve kushtetues paralajmëruan se do të heqin dorë nga një pjesë e tyre dhe të njëjtat do t’i dhurojnë në Fondin për Luftë me KOVID-19.
