Osmani: Rregullat e BE-së janë të tilla, do ta zgjidhin kontestin me Bullgarinë
Zv/kryeministri për Çështje Evropiane, Bujar Osmani në konferencën e sotme për shtyp porositi se partia e tij, BDI nuk munden për zgjedhje, duke theksuar se shëndeti i njerëzve dhe pasojat socio-ekonomike janë dy qëllime në të cilat janë fokusuar, njofton Portalb.mk.
Në lidhje me kontestin me fqinjin tonë, Bullgarinë, Osmani beson se së shpejti do të zgjidhet edhe ai problem.
“Ne jemi të vetëdijshëm se rregullat e lojës në BE janë të tilla. Çdo vend mund t’i ndalojë bisedimet. Ne na duhet që t’i ndërrojmë rregullat dhe duhet që të sillemi me men[uri. Marrëveshja e Prespës dhe e Bullgarisë janë korniza të mira për zgjidhje të problemeve. Kështu që do ta zgjidhim edhe këtë kontest me Bullgarinë. Pres që këtë periudhë ta shfrytëzojmë, të bisedojmë dhe do të tentojmë të arrihet kompromis”, tha Osmani.
Përndryshe, çështja me Bullgarinë u rihap pasi që këshilltari i jashtëm i presidentit Stevo Pendarovski, Denko Maleski, i cili është ministri i parë i jashtëm i Maqedonisë së pavarur, përpara disa ditëve, në një kolumnë, a më vonë edhe në një intervistë për një televizion bullgar, deklaroi disa qëndrime për gjuhën dhe kombin maqedonas, të cilët në opinion u vlerësuan si “pro-bullgare”.
