2,300 punonjës të shëndetit kanë ndjekur trajnime online për COVID-19

Pothuajse 2300 punonjës shëndetësor, infermiere dhe mjekë nga institucionet e shëndetit publik në vend tre javë ishin pjesë e online trajnimeve interaktive nga programi “COVID 19 Response Training” të cilën e realizoi Ministria e Shëndetësisë.

Trajnimi u zhvillua nga Project HOPE së bashku me Brown University nga Shtetet e Bashkuara dhe bazohet në rekomandimet e OBSH-së për ballafaqim me përhapjen së sëmundjes dhe mbrojtjen e punonjësve shëndetësor. Po zbatohet në shumë vende të botës të prekur nga kriza e virusit KOVID 19.

“Duke pasur parasysh faktin që një pjesë e madhe e punonjësve shëndetësor në botë, për fat të keq, janë të infektuar me KOVID-19, ideja e trajnimit ishte në një periudhë tre javore të përfshihet numër i konsiderueshëm i punonjësve shëndetësorë nga të gjitha segmentet e sistemit shëndetësor, me qëllim që të të miratojë masa unike mbrojtëse për personelin mjekësor dhe në të njëjtën kohë të sigurojë kujdes adekuat në fushën e parandalimit dhe përhapjes së infeksionit dhe kontrollit të situatës. Qëllimi i edukimit ishte konfirmimi i protokolleve për stabilizimin e të sëmurëve dhe reanimim fillestar, diagnostikimin dhe menaxhimin e situatës, skrining dhe triazh, si dhe përcaktimin e kapaciteteve të sistemit shëndetësor dhe zhvillimin e tij”, kumtuan nga Ministria e Shëndetësisë.

Fillimisht u zgjodh një grup prej 40 personave mjekësor, 20 mjekë dhe 20 infermiere të cilët e kaluan online trajnimin katërditor me trajnuesit nga Brown University nga SHBA. Ata më pas kanë bërë trajnimin e përafërsisht 2300 punonjësve shëndetësor nga të gjithë institucionet shëndetësore në vend.