Elbasan, biznesmeni gjendet i vetëvarur në banesë, shkak dyshohen borxhet
Një pronar i një pike të këmbimit valutor në Elbasan është gjendur i pajetë në banesën e tij pasditen e sotme (27 prill).
54 vjeçari është gjendur nga familjarët e tij i vetëvarur në tualet.
“Në lagjen “Emin Matraxhiu”, Elbasan, në banesën e tij është gjetur i vetëvarur pa shenja jete shtetasi A.S., 54 vjeç. Nga këqyrja paraprake e kufomës nuk janë konstatuar shenja dhune përveçse ato të shkaktuara nga vetëvarja”, njofton policia.
Dyshohet se shkak i ngjarjes janë borxhet që ai ka pasur.
Ndërkohë edhe një tjetër ngjarje e rëndë është shënuar në qytetin e Përrenjasit.
Djali i një çifti që ka biznese në qytetin e Përrenjasit është gjetur i pajetë në masivin pyjor të Stravajt.
Sipas burimeve zyrtare, 28-vjeçari Flori Albrahimi pasditen e të hënës është gjetur i vetëvarur në pyll rreth 300 metra larg banesës së dajës së tij, ku kishte shkuar mysafir në fundjavë, transmeton OraNews.