KOVID-19 në RMV, 4 persona kanë ndërruar jetë, 53 janë shëruar, 13 raste të reja
Ministria e Shëndetësisë informon se sot kanë ndërruar jetë 4 persona nga virusi korona, ndërkaq janë regjistruar 13 raste të reja me virusin korona. Me këtë numri i përgjithshëm i të infektuarve është 1.399, të vdekurve 65, të shëruarve 553, ndërkaq monentalisht ka 781 raste aktive, njofton Portalb.mk.
“Në Klinikën për Sëmundje Infektive të Shkupit kanë ndërruar jetë 2 pacientë, një paciente 58-vjeçare nga Zhenina e Tetovës e cila është pranuar në klinikë më 21 prill dhe një paciente 81-vjeçare nga Kumanova, e cila është pranuar në spital më 15 prill. Të dy pacientet kanë qenë me tension të lartë të gjakut.
Në Spitalin “8 Shtatori” ka ndërruar jetë 1 person nga Kumanovë në moshë 47-vjeçare, i cili është pranuar në spital më 3 prill në gjendje të rëndë dhe gjatë kohë ka qenë në aparat ventilimi. Ka ndërruar jetë edhe një person nga Manastiri i cili ka qenë duke u trajtuar në Spitalin e Manastirit. Pacienti ka qenë në moshë 66-vjeçare dhe në në gjendje të rëndë, me dobësi të zemrës dhe cirozë.
Ministria e Shëndetësisë informon se janë shëruar 53 pacientë të infektuar me virusin korona: 25 në Shkup, 13 në Kumanovë, 5 në Prilep, 4 në Manastir, 4 në Koçan, 1 në Strugë dhe 1 në Ohër.
Gjatë 24 orëve janë bërë 289 teste, ndërkaq janë konfirmuar 13 raste të reja: Në Kumanovë 5, Shkup 4, Prilep 2 dhe Tetovë 2.
Situata me virusin korona sipas komunave të RMV-së, është si vijon:
- Shkup – 475
- Kumanovë – 377
- Prilep – 143
- Tetovë – 75
- Strugë – 64
- Veles – 66
- Dibër – 51
- Shtip – 51
- Koçani – 28
- Manastir – 19
- Ohër – 15
- Gostivar – 15
- Radovish – 5
- Gjevgjeli – 4
- Negotinë – 4
- Krushevë – 3
- Makedonski Brod – 2
- Strumnicë – 2
- Kriva Pallank – 2
- Probishtip – 2
- Kërçovë – 2
- Demir Hisar – 1
- Pehçevo – 1
- Vallandovë – 1
- Vinicë – 1
Janë bërë 289 testime: Nëpërmjet IShP-së 226, Fakultetit të Veterinarisë 9, Avicena 12, Biotek 0, Filipi i Dytë 0, Sistma me metodë PCR 38 dhe AShAM 4. Deri më tani janë bërë 15.499 testime për KOVID-19.
Për informata më të detajuara për situatën me virusin korona, klikoni në këtë link: http://gdi.mk/corona/