Gebreisus: Asgjë nuk është fshehur nga asnjë vend -anëtar i OBSH-së
Ekspertët amerikan janë pjesë e rëndësishme e luftës së Organizatës Botërore të Shëndetësisë kundër Kovid-19 dhe nga fillimi i epidemisë asgjë nuk është fshehur nga cilido shtet, pohoi OBSH.
Në OBSH nga janari i këtij viti ka rreth 15 ekspertë të Qendrës amerikane për kontroll të sëmundjeve (CDC) të sistemuar në Agjencinë e Kombeve të Bashkuara.
“Ajo që kemi personel amerikan nga CDC do të thotë se asgjë nuk është fshehur nga SHBA-ja prej ditës së parë”, theksoi drejtori i përgjithshëm i OBSH-së, Tedros Ad’hanom Gebreisus, transmeton REL.
Ai shtoi se ndarja mes njerëzve dhe partive politike e nxisin pandeminë.
OBSH porositi 30 milion teste diagnostifikuese për katër muajt e ardhshëm dhe do të dërgojë 180 milion maska kirurgjike në muajt prill dhe maj, potencoi Gebreisus.
Ai shtoi se tani ka më shumë se 600 spitale të gatshme të pranojnë pacientë në korrniza të të ashtuquajturës testimit solidar të ilaçeve kundër koronavirusit të ri.
Presidenti i SHBA-së, Donald Tramp më 15 prill urdhëroi të ndërpritet financimi amerikan i OBSH-së, sepse nuk është i kënaqur nga puna e kësaj organizate gjatë pandemisë së koronavirusit. Ai vlerësoi se OBSH nuk e ka plotësuar detyrën e saj themelore dhe se për atë duhet të japë llogari.
Tramp e akuzoi OBSH-në se ka promovuar “dezinformata kineze”, për koronavirusin e ri, që sipas tij, ka ardhur deri te epidemia më e madhe.
SHBA është donatori më i madh në OBSH. Vitin e kaluar ky shtet në OBSH ka dhënë më shumë se 400 milion dollarë, që është rreth 15 për qind e buxhetit të saj, i cili arrin rreth 4,5 miliard dollarë.
