Një 58-vjeçar nga Shkupi e humbi jetën në një aksident në Kërçovë

Një 58-vjeçar nga Shkupi V.S., e ka humbur jetën në një aksident që ka ndodhur dje në magjistralen Gostivar – Kërçovë, njofton Portalb.mk.

Ashtu siç informojnë nga MPB, fatkeqësia ka ndodhur në ora 13:40 minuta te vendi i quajtur Sateska. Aksidenti ka ndodhur mes automjetit Opel Astra, me targa të Tetovës, i drejtuar nga A.A. (32) nga fshati Zajas dhe automjet Honda, me targa të Shkupit, i drejtuar nga V.S. (58) nga Shkupi.

Në aksident, V.S., ka marrë lëndime, pas së cilës është trasnferuar me Urgjencë në Kërçovë, ku edhe ka ndërruar jetë.

Është kryer ekspertizë në vendin e ngjarjes nga ana e Policisë së Kërçovës dhe prokurori publik.