“Artizolimi” gjatë kohës së virusit korona (FOTO)

Dizajneri grafik, Nebojsha Gelevski-Bane punon instalime artistike dhe fotografi, te të cilat personazhi kryesor është një “shkencëtar” me rroba mbrojtëse, që është personifikim i përpjekjeve të njeriut të thjeshtë që të përballet me sfidat, ta kuptojë dhe ta harmonizojë kohën gjatë pandemisë së virusit korona, njofton Portalb.mk.

“Vetmia, komunikimi pa fjalë, ndonjëherë atmosfera e zymtë bëhen kontrast mes vete në fotografitë të cilat tregojnë momente të gëzueshme, si prekja me natyrën ose komunikimi me miq, pa prekje të zakonshme njerëzore.
Duke u fshehur nga virusi, në ndryshimet e vazhdueshme në disponimin, frikat dhe shpresat, befas kemi zbuluar mikro kosmose të cilët thjeshtë i mënjanojmë. Duke e parë veten si objekt, reagimet tona dhe bashkëlidhjet, na hapin mendime: Si do të ndryshohemi? Do të bëhemi më të mençur pas izolimit nga korona?”, thotë Gelevski për porositë e instalimeve dhe fotografive të cilat i ka bërë në shtëpi gjatë kohës së orës policore prej më 10 deri më 12 prill.

Sipas dizajnerit, interaksioni i përditshëm me njerëzit, objektet dhe natyra e ilustrojnë ndikimin më të madh të pandemisë ndaj shoqërive tona.

“Mbyllja në shtëpitë tona, në fakt u bë mundësi për hapjen e perspektivave të reja, për mendim ose rishqyrtim të prioriteteve tona, frikësimeve, analizës së vetvetes tonë në raport me natyrën, familjen, miqtë, vlerën e lirisë, ndikimin e politikës, kujdesin për shëndetin mental, sjelljeve tona”, shtoi Gelevski.