Pse të dëgjuarit muzikë gjatë punës rrit produktivitetin tuaj?

Kur punojmë shumë për të përfunduar një projekt, shumica prej nesh përpiqen të dëgjojnë muzikë, në mënyrë që të përqendrohemi në detyrën që kemi në dorë dhe të rrisim produktivitetin, shkruan Class. Por pse e kemi këtë impuls dhe a ia vlen?

Muzika ndihmon në përmirësimin e shëndetit dhe funksionimit të trurit në mënyra të ndryshme dhe ne shpesh shijojmë përfitimet, pa e ditur se muzika është arsyeja.

Muzika ka qenë pjesë e strukturës intime të lidhjes njerëzore, gjëndjes së mirë shëndetësore dhe e komunikimit, për mijëra vjet.

“Ajo na lëviz. Aj na lidh. Ajo i jep formë emocioneve, ndikon tek humori dhe tek truri.”- thotë Dr. Michael Gervais, psikolog me performancë të lartë dhe bashkëthemelues i ‘Konkurro për të Krijuar’ (Compete to Create). “Muzika është një element kryesor për dhomat e mbyllura në të gjithë botën. Atletëve u kërkohet të integrojnë mendjen dhe trupin dhe muzika mund të jetë një ndikuese e madhe drejt këtij qëllimi.”

Kur dëgjojmë muzikë, ndihemi më të lumtur. Si rezultat, kjo na bën më të lumtur dhe më pak të stresuar.

“Njerëzit më të lumtur dhe më pak të stresuar janë më produktivë, sepse e përfundojnë punën më shpejt, më saktë dhe vijnë me një numër më të madh idesh, të cilat janë më të mira dhe më kreative.”- thotë Dr. Jackson.

Muzika pa tekst shpesh sjell më shumë përfitime. Studimet kanë treguar se dëgjimi i muzikës pa tekst mund të përmirësojë vëmendjen dhe performancën.

“Në praktikë, kjo lloj muzike ka një lloj efekti të quajtur ‘zhurma e bardhë’, me anë të së cilit, dëgjuesit përjetojnë përmirësim të gjendjes emocionale.”- thotë Samantha Morrison, një eksperte e shëndetit për “Glacie Wellness”, një kompani e dedikuar ndaj produkteve shëndetësore natyrale dhe të qëndrueshme.

Sidoqoftë, studimet kanë zbuluar gjithashtu se preferenca subjective e dëgjuesit ndaj muzikës, në të vërtetë mund të ketë më shumë ndikim se vetë lloji i muzikës. Sidoqoftë, sipas Morrison-it, “dëgjimi i muzikës ndihmon që ne të njohim modelin natyral të trurit, si dhe qendrat e parashikimeve të përkohshme. Kështu truri lëshon dopaminën. Si rezultat, dëgjimi i muzikës krijon reagime pozitive, ul stresin, përmirëson përqendrimin dhe rrit produktivitetin në përgjithësi. “

Më e rëndësishmja… kjo na mëson të dëgjojmë.

“Fjala” bindje “rrjedh nga një term latin që do të thotë,’ të arrish drejt asaj që dëgjon. As bindja dhe as dëgjimi nuk janë tipare të zakonshme të shoqërisë moderne,”- thotë Olivier De Wulf, një audio-psiko-fonolog dhe president i “NeuraSonic”.

Të dëgjuarit e vërtetë do të thotë të ushqeni trurin me energji dhe të ndryshoni rrënjësisht marrëdhëniet njerëzore.

“Unë kam punuar me njerëz që kanë ngecur në një traumë. Por vetë trauma nuk është i gjithë problemi. Ne ndërtojmë mure rreth vetes për t’u mbrojtur nga kjo frikë. Dhe për shkak të këtyre mureve, ekziston vetëdija se ka shumë më shumë potencial që nuk shprehet në jetën tonë dhe ky është shkaktari i depresionit.”- thotë De Wolf.

Duke mësuar të dëgjojmë dhe të përqendrohemi, ne mund të kanalizojmë produktivitetin tonë dhe të maksimizojmë performancën. Të gjitha këto vetëm duke dëgjuar meloditë që na pëlqejnë.