Të dielën fillon llogaritja verore e kohës

Prej të dielën do të fillojë llogaritja verore e kohës, njofton Portalb.mk.

Natën mes të shtunës dhe të dielës, akrepat e orës do të lëvizin për një orë përpara, që do të thotë se ora 2, do të jetë ora 3.

Llogaritja verore e orës mbaron më 25 tetor pas mesnatës.

Prej vitit 2021, do të hyjë në fuqi propozimi për shfuqizimin e lëvizjes së obliguar të orës në vendet e Bashkimit Evropian. Propozimi u miratua nga Parlamenti Evropian, por megjithatë çdo vend-anëtar do të ketë mundësi që vetë të zgjedh nëse do të mbetet në kohën dimërore apo verore.