Qyteti i Shkupit me masa të reja për transportin publik
Ndërmarrja transportit publike (NTP) Shkupi që është në kuadër të Qytetit të Shkupit, sot vazhdoi me masat e reja, që përfshijnë ndërprerjen e disa linjave të autobusit dhe ndërprerjen e teleferikut në Vodno, transmeton Portalb.mk.
“Prej nesër nuk do të punojnë tre linjat e autobusëve deri në Vodnon e Mesme (25, 25A dhe 25B), ndërsa nuk do të punojë as teleferiku”, njoftojnë nga NTP “Shkupi”.
Vendimi nuk dihet deri kur do të jetë i vlefshëm, por nga ndërmarrja paralajmërojnë njoftim për çdo ndryshim.
Linja turistike “City tour”, që gjithashtu është nën menaxhimin e NTP “Shkupi”, nuk do të jetë funksionale.
“Linja nuk do të qarkullojë gjatë periudhës së ardhshme, gjegjësisht deri në vendimet e ardhshme në pajtim me rekomandimet dhe masat për mbrojtje dhe parandalim nga koronavirusi”, deklarojnë nga NQP “Shkupi”.
Ndryshe, për shkak të koronavirusit është ulur numri i udhëtarëve në transportin publik dhe për këtë do të ulet numri i autobusëve që qarkullojnë nëpër Shkup me qëllim që, sipas tyre, të parandalohet shpërndarja e virusit.
Gjithashtu, dezinfektimi i rregullt i brendshëm i autobusëve kryhet çdo ditë përpara se të lëshohet në komunikacion, nëpërmjet kujdesit të rregullt (pastrim dhe larje) të automjeteve me mjete përkatëse ekologjike të cilat kanë cilësi dezinfektuese.
LEXO: Shkup, prej nesër nuk do të vlejnë vozitjet falas për nxënësit, studentët dhe pensionistët