U kapën 1kg kokainë në Saraj të Shkupi, reagoi ministri Çulev
Në Krushopek të Sarajit, u kapën 1kilogram kokainë raportojnë nga TV21, përcjell Portalb.mk.
Sasia e kokainës dyshohet se origjinën e ka nga Amerika, ndërsa si destinacion përfundimtar Slloveninë.
“Gjithë kapaciteti i Ministrisë për punë të brendshme (MPB) është vendosur në mbrojtjen e qytetarëve dhe sigurinë e shtetit. Kaloi koha kur udhëheqësit e lartë të MPB kanë bashkëpunuar dhe kanë mbështetur strukturat kriminele në shtet”, deklaroi ministri i punëve të brendshme, Naqe Çulev.
Bëhet fjalë për rrjet ndërkombëtar të tregtisë me drogë, sasia e drogës gjithsej kap shifrën prej 1.3 ton kokainë, kurse në Maqedoninë e Veriut janë kapur vetëm 1 kilogram. Në këtë aksion policor, përveç policisë së RMV-së, janë kyçur edhe ata të Italisë dhe Malit të Zi.