Balla: Harrojini zgjedhjet e parakohshme
Në mbyllje të mbledhjes së kryesisë së Partisë Socialiste me pikë kryesore diskutimi ristrukturimin e plotë të partisë në prag të kongresit të PS-së në 29 Shkurt, Sekretari i Përgjithshëm, Taulant Balla tha se vendi nuk do të shkojë në zgjedhje të parakohshme.
TAULANT BALLA
SEKRETARI I PERGJITHSHEM I PS-Së
Në Kongresin e partisë do miratojmë një axhendë të aktivitetit politik të PS. Këtë vit axhenda përmbyllet në 30 qershor 2021, afat që ne parashikojmë të zhvillohen zgjedhjet parlamentare”.
Lidhur me situaten e krijuar në disa nga bashkitë e vendit për shkak të ligjit të dekriminalizimit, Balla akuzoi Presidentin e Republikës Ilir Meta për mosrespektim të kushtetutës, transmeton Vizion Plus.
TAULANT BALLA
SEKRETARI I PERGJITHSHEM I PS-Së
Presidenti ka qenë dhe mbetet në moszbatim të detyrave kushtetuese që ka. Është vënë në dijeni nga prefektët e qarqeve lidhur me vakancën e krijuar. Presidenti duhet të zgjohet dhe të respektojë Kushtetutën.
Balla sqaroi se kryetari i partise socialiste te Shkodres pritet të zgjidhet shpejt, pasi janë në diskutim një sërë kandidaturash.
