Josep Borrell në Kosovë – PDK bojkoton takimin me të
Shefi i politikës së Jashtme të Bashkimit Evropian, Josep Borrell, po qëndron në Kosovë për një vizitë dyditëshe që do të pasohet nga një vizitë në Beograd, shkruan Zëri i Amerikës transmeton Portalb.mk.
Para vizitës ai tha se “Ballkani Perëndimor do të jetë përparësi e mandatit të tij “dhe duke marrë parasysh vendosmërinë time për të çuar përpara bisedimet e ndërmjetësuara nga BE-ja, dëshiroj të vizitoj Kosovën dhe Serbinë, të parat në rajon. Ka shumë punë të rëndësishme para nesh, përfshirë normalizimin e marrëdhënieve në mes të Kosovës dhe Beogradit”, thuhej në një njoftim të zyrës së tij.
Josep Borrell ishte ministër i jashtëm i Spanjës, shtet ky që nuk e ka njohur pavarësinë e Kosovës, nga droja se mund të nxiste ambiciet e atyre që synojnë pavarësinë e Katalonjës.
Spanja është një nga pesë vendet e Bashkimit Evropian që ende nuk e kanë njohur pavarësinë e Kosovës.