Australi, një grua 60-vjeçare ka vdekur në një garë për ngrënien e tortave
Një grua 60-vjeçare në Australi ka humbur jetën gjatë një gare për ngrënien e tortave, shkruan Anadolu Agency, trasnmeton Portalb.mk.
Sipas lajmeve në mediat lokale, në qytetin Hervey Bay të shtetit verilindor Queensland, në një hotel u organizua garë për ngrënien e tortës së quajtur “lamington” me çokollatë dhe kokos në kuadër të aktiviteteve të “Ditës së Australisë”.
Një nga garuesit, grua 60-vjeçare u përkeqësua përderisa hante tortën.
Gruaja e cila u dërgua në një spital me autoambulancë nuk u arrit të shpëtohet.
Ndërkohë në deklaratën e bërë nga administrata e hotelit nëpërmjet rrjeteve sociale, u shprehën ngushëllimet familjes dhe shokëve të gruas që humbi jetën.
