Përfundoi takimi VV-LDK
Ka përfunduar takimi i sotëm mes Albin Kurtit e Isa Mustafës.
Pas këtij takimi, të dyja palët VV e LDK, nuk kanë dhënë deklaratë për media, njofton Klan Kosova.
Mësohet se Kurti e Mustafa kanë shfrytëzuar rrugë tjetër të daljes për t’ju shmangur mediave.
Si rezultat, ende nuk dihet nëse është arritur ndonjë marrëveshje apo jo.
Zyrtarë të LDK-së, në kushte anonimiteti, i kanë thënë KTV-së, se nga takimi i sotëm me LVV-në nuk ka marrëveshje.
Mësohet se takimet mes dy partive do të vazhdojnë.
Sipas burimeve, takimi i radhës mes dy liderëve do të mbahet nesër.