Qeveria teknike, grindjet partiake

Vetëm disa ditë gjatë fundjavës mjaftuan që ministrat dhe zëvendësit e tyre nga opsione të ndryshme politike të hynë në konflikt dhe akuza të ndërsjella për atë se kush ka bërë krime dhe kush ka qeverisur keq. Qeverisë teknike i kanë mbetur më shumë se tre muaj për të organizuar zgjedhjet e 12 prillit, transmeton Portalb.mk.

Dita e katërt nga momenti i funksionimit të qeverisë teknike në vend, akuzat dhe kundër-akuzat  midis ministrave dhe zëvendësve nga LSDM dhe VMRO-DPMNE dhe partitë e tyre amë janë në vlugun e tyre të plotë.

Ministria për punë dhe çështje sociale, ku ministrja Rashela Mizrahi është nga VMRO-DPMNE, aktualisht duket si më zhurmshme se Ministria e punëve të brendshme ku kreu i saj, Naqe Çulev, është gjithashtu me propozim të opozitës.

LSDM pretendon se kuadrot e Hristijan Mickoskit në qeverinë teknike kanë shfaqur mosnjohje të plotë të çështjes dhe se kanë përhapur gënjeshtra nga, siç thonë ata, kuzhina partiake e VMRO-DPMNE.

“Ministrja teknike për punë dhe politikë sociale pas dy ditësh punë ka shfaqur paaftësi dhe demonstron se nuk e njeh Ligjin e ri për mbrojtje sociale. Ajo nuk e di se kompetenca për të lëshuar konstatimin dhe mendimin për nevojën e ndihmës dhe kujdesit nga person tjetër, në bazë të së cilës realizohet kompensimi monetar, është transferuar në 15 komisione profesionale, në institucionet e shëndetit publik në të gjithë vendin, ndërsa janë themeluar nga Ministria e shëndetësisë”tha në një konferencë shtypi sot Milan Zhivkoviq nga LSDSM.

Tema për gjetjen dhe mendimin për kujdesin nga person tjetër u hap pasi Mizrahi tha, në një konferencë shtypi nga pozicioni i ministres, se ajo kishte njohuri që madje 8500 raste të tilla kishin ngecur dhe se ajo do të procedonte të gjitha procedurat tërësisht.

Por akuzat dhe kundër-akuzat për Mizrahit janë zgjeruar dhe kanë vazhduar në rrjetet sociale, e pastaj kanë kaluar në selitë partiake. VMRO-DPMNE sot, në një konferencë për shtyp, duke iu referuar statuseve dhe pëlqimeve të statuseve në rrjetin social Facebook e akuzoi LSDM-në dhe qeverinë për sulme antisemitike.

Sulme antisemitike?

Deputetja e VMRO-DPMNE-së, Zhaklina Peshevska i ka përmendur Mersiha Smailloviq, anëtare e Komisionit për punë dhe politikë sociale të LSDM-së, aktivisten Vidana Boshkova Micevska, për statuse në Facebook të cilat, siç pohojnë, dyshohet ishin antisemitike, ndërsa këshilltarin e ish kryeministrit Zoran Zaev, Zoran Bojarovski e kanë sfiduar njohur për pëlqimin e statuseve të tilla.

“Kërkojmë që qeveria të shkarkojë menjëherë Zoran Bojarovskin nga funksioni i këshilltarit të Kryeministrit, por ta shkarkojnë edhe Smailloviqin nga funksioni i saj në parti,” tha Peshevska.

Për këtë ka reagua edhe kryetari i VMRO-DPMNE-së Hristijan Mickoski. Ai në rrjetin social Facebook ka shkruar se Zaev kishte premtuar një shoqëri për të gjithë, por vetëm para kamerave, ndërsa në realitet, ata, që ishin të parët afër tij, kanë  shkruar se VMRO-DPMNE është “parti fashiste”, duke drejtuar gishtin në mënyrë vulgare kah Rashela Mizrahi se “kishte pasur edhe hebrenj të cilët kishin punuar për nazistët”.

“Jam i neveritur nga lehtësia me të cilën bëhen ndarje, po përhapet gjuha e urrejtjes ndaj shtetit të Izraelit dhe popullit hebre dhe fyerjet ndaj VMRO-DPMNE-së, prapa të cilave qëndrojnë motive politike dhe janë stimuluar nga partia në pushtet. Dhe kjo nuk është hera e parë, por këtë herë është tepër”, ka shkruar Mickoski.

Mosmarrëveshjet filluan edhe në Ministrinë e shoqërisë së informacionit dhe administratës, ku zëvendësministre shtesë është Nevenka Stamenkovska Stojkovski nga VMRO-DPMNE. Ajo tha se nga kontrollet e deritanishme kanë arritur në përfundimin se në dy muajt e fundit janë shpallur 4,100 vende të lira pune në administratë dhe për shumicën e tyre paga ishte mbi 40 mijë denarë.

Ndaj kësaj ka reaguar LSDM-ja duke theksuar se për dallim nga VMRO-DPMNE, LSDM-ja me përgjegjësi, dhe mbi të gjitha, në mënyrë transparente e ka udhëhequr administratën publike, duke i respektuar procedurat ligjore dhe duke punësuar vetëm në bazë të planeve të miratuara vjetore për punësim.

Akuza dhe kundër-akuza edhe në MPB

Ditën e parë pas marrjes së detyrës, ministri i punëve të brendshme Naqe Shulev tha se një pjesë e menaxhmentit të lartë të MPB-së, i angazhuar në policinë kriminale, është drejtpërdrejt në kontakt me strukturat kriminale. Ka reaguar zëvendës ministrja e për punë të brendshme Sllavjanka Petrovska e LSDM-së, duke i hedhur poshtë pretendimet si plotësisht të pavërteta.

Përndryshe kjo është qeveria e dytë teknike në vend. Formimi i ekipeve të këtilla që i organizojnë zgjedhjet është detyrim nga Ligjit për qeveri, i dakorduar në Przhino në vitin 2015, së bashku me një paketë të gjërave të tjera me të cilat iu dha fund krizës politike atëherë. Në qeverinë e parë teknike e cila i organizoi zgjedhje të parakohshme parlamentare në vitin 2016, punë u zhvilluan pa probleme me kryeministrin teknik Emil Dimitriev dhe kudo që kishte ministra teknikë, atëherë nga LSDM-ja dhe zëvendës nga VMRO-DPMNE puna ishte me konflikte, kështu që kishte procese gjyqësore në Gjykatën administrative, kallëzime penale dhe kundër aktpadi, mosmarrëveshje të përditshme në media.

Këtë qeveri teknike e udhëheq Oliver Spasovski dhe duhet të organizojë zgjedhjet e planifikuara për 12 Prill 2020. Përveç ministrave për policinë dhe punës dhe çështje sociale, VMRO-DPMNE ka zëvendës në administratë dhe shoqërinë e informacionit, bujqësi dhe financa.