Reagoi Ministria e Shëndetësisë e RMV-së në lidhje me aksidentin në Serbi
Ministria e punëve të brendshme e Maqedonisë së Veriut ka konfirmuar lajmin se nga aksidenti i autobusit qëndodhi në Serbi, tashmë ka të lënduar, transmeton Portalb.mk.
“Ministria e shëndetësisë sipas informatave të fituara në Ministria për punë të jashtme, informoi se në aksidentit rrugor që ndodhi në rrugën Bllace-Bellolin në Serbi, janë të lënduar 26 persona”, thonë nga Ministria e Shëndetësisë.
MSH-ja informoi se 18 nga të lënduarit janë shtrirë në spitalin në Blace, ndërsa 8 të tjerët në spitalin në Prokuplje, ku në këtë të fundit njëri është më së shumti i lënduar.
Ata gjithashtu informojnë se pacientët janë jashtë rrezikut për jetë, ndërkohë po kryhet tomografia kompjuterike për të konfirmuar gjendjen e saktë të të lënduarve.
Përndryshe, sot rreth orës 10 në rrugën Prokuplje-Bllace në Serbi, është aksidentuar autobusi në të cilin janë lënduar dhjetëra qytetarë, kryesisht nga qyteti i Radovishit. Qëllimi i udhëtarëve ishte një vizitë turistike njëditore në qytetin Kopaonik.
